ខេត្តត្បូងឃ្មុំ : នគរបាលបានចាត់បញ្ជូនជនបង្កគ្រោះថ្នាក់ចរាចរណ៍បណ្តាលអោយជនជាតិវៀតណាមពីរនាក់ស្លាប់និងរបួស កាលថ្ងៃម្សិលមិញទៅសាលាដំបូងខេត្តត្បូងឃ្មុំចាត់ការតាមច្បាប់ ។
នគរបាលអោយដឹងថា ជនបង្កហេតុឈ្មោះ នាង វ៉ាន់ឆៃ ភេទប្រុស អាយុ ២៣ឆ្នាំជាតិខ្មែរ នៅភូមិត្រពាំងធំឃុំ បឹងណាយស្រុកព្រៃឈរ ខេត្តកំពង់ចាម។ ចំណែកជនរងគ្រោះ(ស្លាប់)ឈ្មោះយឺ ហ៊ូងា ភេទប្រុស អាយ៤២ឆ្នាំ ជនជាតិវៀតណាម មានទីលំនៅភូមិអាងគឺឃុំយិនស្រុកតាំងចូវខេត្តតៃនិញ និងនរងគ្រោះម្នាក់ទៀតឈ្មោះវៀង វ៉ាន់កាម ភេទប្រុស អាយុ៥៦ឆ្នាំជនជាតិវៀតណាមនៅភូមិឃុំជាមួយអ្នកបើកបរ(របួសធ្ងន់)។
នគរបាលអោយដឹងទៀតថា គ្រោះថ្នាក់ចរាចរណ៍កេីតឡេីងកាលពីថ្ងៃទី១៣ ខែមិថុនា ឆ្នាំ២០១៩ វេលាម៉ោង១០និង៤០នាទី នៅលើផ្លូវជាតិលេខ៧២ ត្រង់ចំណុចចន្លោះបង្គោលគីឡូម៉ែត្រលេខ១០-១១ស្ថិតនៅភូមិត្រពាំងទី១ ឃុំត្រពាំងស្រុកពញាក្រែក ដែលបង្កឡើងរវាងរថយន្ត និងម៉ូតូសណ្តោងរ៉ឺម៉ក។
នគរបាលបន្តថា គ្រោះថ្នាក់ចរាចរណ៍នេះកេីតឡេីងរវាងរថយន្តម៉ាក ហ្វុយ សូ(FU SO) ពណ៌ ស ពាក់ស្លាកលេខ ចង្កូតស្តាំPSHN.0270 បើកបរដោយឈ្មោះ នាង វ៉ាន់ឆៃ ភេទប្រុស អាយុ ២៣ឆ្នាំជាតិខ្មែរ នៅភូមិត្រពាំងធំឃុំ បឹងណាយស្រុកព្រៃឈរ ខេត្តកំពង់ចាម បានបុកជាមួយម៉ូតូសណ្តោងរ៉ឺម៉កម៉ាកវេវ ពណ៍ខ្មៅគ្មានស្លាកលេខបើកបរដោយឈ្មោះយឺ ហ៊ូងា ភេទប្រុស អាយ៤២ឆ្នាំ ជនជាតិវៀតណាម មានទីលំនៅភូមិអាងគឺឃុំយិនស្រុកតាំងចូវខេត្តតៃនិញ(ស្លាប់នៅកន្លែងកើតហេតុ)រួមដំណើរជិះលើរ៉ឺម៉ក១នាក់ឈ្មោះវៀង វ៉ាន់កាម ភេទប្រុស អាយុ៥៦ឆ្នាំជនជាតិវៀតណាមនៅភូមិឃុំជាមួយអ្នកបើកបរ(របួសធ្ងន់)។ ចំពោះមូលហេតុដោយសារបេីកបរមិនប្រកាន់ស្តាំ។
ចំពោះវត្ថុតាងទាំង០២គ្រឿង ជំនាញយកមករក្សាទុកនៅអធិការដ្ឋាននគរបាលស្រុកពញាក្រែក ដេីម្បីចងក្រងសំណុំរឿងដោះស្រាយតាមច្បាប់ ៕ ដោយ ៖វណ្ណៈ
