កូនដេញវាយឪពុក ព្រោះខឹងរឿងអត់ទុកសាច់ឲ្យហូប

ចែករំលែក៖

ខេត្តកំពង់ស្ពឺ ៖ កូនប្រុសម្នាក់ ត្រូវបានឪពុកម្តាយប្តឹងសមត្ថកិច្ចឲ្យឃាត់ខ្លួន បន្ទាប់ពីដេញកាប់ពួកគាត់ខឹងរឿងមិនទុកសាច់គោអោយហូបបាយ ។

នគរបាលស្រុកគងពិសីបានអោយដឹងថាកាលពីថ្ងៃទី១៨មានប្ដីប្រពន្ធពីនាក់ បានមកប្ដឹងសមត្ថកិច្ចមូលដ្ឋានអធិការដ្ឋា ននគរបាលស្រុកគងពិសី ឲ្យជួយឃាត់ខ្លួនកូនប្រុសដែល បានយកដំបងនិងកាំបិតផ្គាក់ទាញដេញវាយ និងគំរាមសម្លាប់ពួកគាត់ ដោយសារតែមិនទុកសាច់គោ អោយលោកកូនហូប។

ករណីនេះកើតឡើង កាលពីថ្ងៃអង្គារ៍ ថ្ងៃទី១៨ ខែមិថុនា ឆ្នាំ២០១៩ វេលាម៉ោង១០និង៣០នាទីព្រឹកជនសង្ស័យមានឈ្មោះ ស សំអូន ភេទប្រុស អាយុ ២៩ឆ្នាំរស់នៅភូមិវាល ឃុំស្រង់ ស្រុកគងពិសី ខេត្តកំពង់ស្ពឺ ។

លោកវរសេនីយ៍ឯក ឃឹម សុផាន់រ៉ា អធិការនគរបាលស្រុកគងពិសី បានអោយដឹងថា ក្រោយទទួលបណ្ដឹងប្ដីប្រពន្ធខាងលេី កំលាំងនគរបាល បានចុះទៅដល់ធ្វេីការឃាត់ខ្លួន បុរសជាកូននាំមកអធិការដ្ឋាននគរ បាលស្រុកគងពិសី ធ្វើការសាកសួរ ជនសង្ស័យបានឆ្លេីយសារភាពរៀបរាប់ និងទទួលស្គាល់ការពិត ថាខ្លួនបានប្រព្រឹត្ដទង្វេី ដូចពាក្យបណ្ដឹងឪពុកម្ដាយអញ្ចឹងមែន ដោយសារមានបទល្មេីស និងសំណូមពរខាងឪពុកម្ដាយ ឲ្យសមត្ថកិច្ចចាត់ការតាមនិតិវិធីច្បាប់ ។

ក្រោយស្តាប់ចម្លើយសារភាពនិងកសាងសំណុំរឿងដើម្បីបញ្ជូនជនសង្ស័យ ទៅការិយាល័យជំនាញខេត្ដ ដេីម្បីកសាងសំណុំរឿង ចាត់ការតាមនិតិវិធីបន្ដ ៕ សេនាស័ក្តិ