ភ្នំពេញ ៖ ប្រភពពីក្រសួងធនធានទឹក និងឧតុនិយមបានឱ្យដឹងថា នៅក្នុងជំនួប ពិភាក្សាជាមួយគណៈ កម្មការទី៣រដ្ឋសភា កាលពីថ្ងៃទី៨ ខែកក្កដា ឆ្នាំ២០១៥ នៅវិមានរដ្ឋសភា លោក លឹម គានហោ រដ្ឋមន្ត្រីក្រសួងធនធានទឹក និងឧតុ និយមបានលើកឡើង អំពីការវិវត្តលើវិស័យធនធានទឹក ជាពិសេសលើការអភិ វឌ្ឍហេដ្ឋារចនាសម្ព័ន្ធប្រព័ន្ធធារាសាស្ត្រ ។
លោករដ្ឋមន្ត្រីបានមានប្រសាសន៍ថា ដើមឡើយក្រសួងបានអភិវឌ្ឍន៍បានត្រឹម តែប្រព័ន្ធធារាសាស្ត្រលក្ខណៈតូចៗ ប៉ុណ្ណោះ ប៉ុន្តែក្នុងរយៈពេលពីពីរទៅបី អាណត្តិ ក្រោមការយកចិត្តទុកដាក់ពី ប្រមុខរាជរដ្ឋាភិបាលមកទល់ នឹងពេលនេះក្រសួងអាចមានលទ្ធភាព អភិវឌ្ឍន៍ហេដ្ឋារចនាសម្ព័ន្ធ ជុំវិញបញ្ហាធារាសាស្ត្រ ខ្នាតធំៗ ដូចជាគម្រោងធារាសាស្ត្រវ៉ៃកូ ស្ថិតក្នុងខេត្តព្រៃវែង ខេត្តកំពង់ចាម និង ខេត្តស្វាយរៀង ប្រព័ន្ធធារាសាស្ត្រកង្ហត ក្នុងខេត្តបាត់ដំបង និងគម្រោងស្ទឹងកែវ នៅក្នុងខេត្តកំពតជាដើម ។
លោករដ្ឋមន្ត្រីបានគូសបញ្ជាក់ថា ប្រព័ន្ធធារា សាស្ត្ររបស់យើងកំពុងគ្រប ដណ្តប់លើការបង្កបង្កើនផលរបស់ ប្រជាពលរដ្ឋ ក្នុងកម្រិតខ្ពស់ ដែលមានទំហំ៥០ភាគរយ ត្រូវបានអភិវឌ្ឍន៍រួចរាល់ហើយ ។ ក្រៅពី នេះក្រសួង នឹងមានកិច្ចការងារបន្ថែមទៀត ធ្វើយ៉ាងណា ដើម្បីដោះស្រាយបញ្ហា ទឹកដល់ប្រជាកសិករ គឺទី១-ដោះស្រាយបញ្ហាទឹកនាំទៅឱ្យប្រជាកសិករបង្ក បង្កើនផល និងទី២-រក្សាទឹកទុក ។ បើទោះជាគម្រោងនៃការអភិវឌ្ឍហេដ្ឋារចនា សម្ព័ន្ធប្រព័ន្ធធារាសាស្ត្រមានការរីកចម្រើនក៏ដោយ យើងនៅតែមានការប្រឈម ទៅនឹងបញ្ហា រដូវទឹកភ្លៀង និងរដូវប្រាំង ។ ប៉ុន្តែក្រសួងនឹងបន្តធ្វើកិច្ចការនេះ ដើម្បីសម្រេចជោគជ័យ ជូនប្រជាពលរដ្ឋ ក៏ដូចជាគោល នយោបាយរបស់រាជរដ្ឋា ភិបាលផងដែរ ។
លោក ប៉ុល ហំម ប្រធានគណៈកម្មការទី៣ នៃរដ្ឋសភាបានមានប្រ សាសន៍ថា នេះជាលើកទី២ដែលគណៈកម្មការទី៣ រដ្ឋសភាបានជួបប្រជុំពិភាក្សា លើបញ្ហាធនធានទឹក វិស័យធារាសាស្ត្រនោះ ។ លោកមានប្រសាសន៍ថា រដ្ឋ សភាកំពុងតែស្វែងយល់ ដោយយកចិត្តទុកដាក់ពីការវិវត្តរបស់វិស័យធនធានទឹក ក៏ដូចជាប្រព័ន្ធធានាសាស្ត្រធំៗនៅក្នុងប្រទេសកម្ពុជា ។ លោក ប៉ុល ហំម ក៏បានកោតសរសើរចំពោះលោករដ្ឋមន្ត្រី និងគណៈប្រតិភូក្រសួងទាំងអស់ ដែលបានខិតខំយ៉ាង ល្អប្រសើរពីបញ្ហាអភិវឌ្ឍន៍ហេដ្ឋារចនាសម្ព័ន្ធ ប្រព័ន្ធធារា សាស្ត្រ និងបានលើកសំណូម ពរមួយចំនួនអំពីបញ្ហារាំងស្ទះប្រភពទឹកដែលមាន នៅស្រុកខ្សាច់កណ្តាល ខេត្តកណ្តាល ដែលក្រុមហ៊ុនមួយចំនួនបានរារាំងបិទ ខ្ទប់ផ្លូវទឹក ដែលបណ្តាលឱ្យប្រជា ពលរដ្ឋមិនមានទឹកគ្រប់គ្រាន់សម្រាប់បង្ក បង្កើនផល។
លោករដ្ឋមន្ត្រី លឹម គានហោ បានទទួលយកសំណូមពរនេះ និងចាត់ក្រុមអ្នក បច្ចេកទេស ដែលមានលោករដ្ឋលេខាធិការ១រូប ដើម្បីចុះទៅពិនិត្យធ្វើកិច្ចការ នេះ តាមសំណូមពរតំណាងរាស្ត្រ និងគណៈកម្មការទី៣នៃរដ្ឋសភា ៕ ហេង សូរិយា
