ភ្នំពេញ ៖ នារីម្នាក់បើកម៉ូតូមួយគ្រឿង មកឈប់ លើស្ពានជ្រោយចង្វាលោតទឹកសម្លាប់ខ្លួនលិច បាត រកសពមិនឃើញ។ហេតុការណ៍នេះបង្កការភ្ញាក់ផ្អេីលដល់អ្នកដំណេីរ និងសមត្ថកិច្ចកាលពីម៉ោង១១យប់ ថ្ងៃពុធទី២៦ ខែមិថុនា ឆ្នាំ២០១៩ នៅចំណុចលេីស្ពានជ្រោយចង្វាថ្មី ក្នុងសង្កាត់ជ្រោយចង្វា ខណ្ឌជ្រោយចង្វា រាជធានីភ្នំពញ ។
សមត្ថកិច្ចបានឲ្យដឹងថា តាមអត្តសញ្ញាណប័ណ្ណនៅក្នុងកាបូបនារីរងគ្រោះមានឈ្មោះ វេន ឡៃ អាយុ២៣ឆ្នាំ ស្នាក់នៅភូមិដូង ឃុំដូង ស្រុកប្រាសាទបល្ល័ង្គ ខេត្តកំពង់ធំ រួមជាមួយនិងម៉ូតូមួយគ្រឿង ម៉ាកស៊ុយស៊ូគី វីវ៉ា ពណ៌ខ្មៅ ពាក់ស្លាកលេខភ្នំពេញ 1J.0508 ។
ប្រភពពត៌មានពីប្រជាពលរដ្ឋបានឲ្យដឹងថា មុនពេលកេីតហេតុ គេឃេីញនារីម្នាក់បើកម៉ូូតូមួយគ្រឿងម៉ាកស៊ុយស៊ូគីវីវ៉ា តែម្នាក់ឯង ធ្វេីដំណេីរចេញពីរង្វង់មូលព្រហ្មមុខបួន (ជ្រោយចង្វារ) មករង្វង់មូលគួចកាណុង (ដូនពេញ) ទិសដៅពីកើតមកលិច ខណះមកដល់ពាក់កណ្ដាលស្ពាន ក៏ឈប់ម៉ូតូលោតទឹកសម្លាប់ខ្លួនតែម្ដង ដោយបន្សល់ទុកម៉ូតូនៅលេីស្ពាន បង្កការភ្ញាក់ផ្អេីលដល់អ្នកធ្វេីដំណេីរ និងសមត្ថកិច្ចមូលដ្ឋានចុះមកដល់កន្លែងកេីតហេតុភ្លាមៗ តែទោះជាយ៉ាងណា ជនរងគ្រោះបានលោតទឹក ពីលេីស្ពាន បាត់ខ្លួនទៅហេីយ ។
បន្ទាប់ពីកេីតហេតុ សមត្ថកិច្ចមូលដ្ឋានបានយកម៉ូតូជនរងគ្រោះទៅរក្សាទុក រង់ចាំសាច់ញាតិយកឯសារមកផ្ទៀងផ្ទាត់និងប្រគល់ជូនវិញតែប៉ុណ្ណោះ៕ជ្រោយពេជ្រ
...
