ការចំណាយសម្រាប់ការពារជាតិកើនឡើង នៅក្នុងឆ្នាំ ២០២០ បានបង្កក្តីបាម្ភយ៉ាងខ្លាំង ដោយការចំណាយច្រើនរបស់អាមេរិកអាចបង្កឲ្យមានសង្គ្រាមកើតឡើងនៅលើពិភពលោក ហើយគោលដៅរបស់អាមេរិក នៅក្នុងការធ្វើសង្គ្រាមគឺជាមួយអ៊ីរ៉ង់ ។
កាលពីថ្ងៃទី២៧ ខែមិថុនា ព្រឹទ្ធសភាអាមេរិក បានអនុម័តថវិការចំណាយសម្រាប់ការពារជាតិឆ្នាំ២០២០ដែលមានទឹកប្រាក់សរុបដល់ទៅ៧៥០ពាន់លានដុល្លារ ។
ច្បាប់ចំណាយសម្រាប់ការពារជាតិឆ្នាំ២០២០ (NDAA)មានប្រវែង ៩៧៣ទំព័រត្រូវបានអនុម័តដោយមានសំឡេងគាំទ្រ ៨៦ និងប្រឆាំង ៨សំឡេង តែប៉ុណ្ណោះ។
ប៉ុន្តែនៅក្នុង សកម្មភាពខុសប្រក្រតី ព្រឹទ្ធសភា អាមេរិក នឹង បោះឆ្នោត ដាច់ដោយឡែក នៅថ្ងៃទី២៨ខែមិថុនា ដើម្បីផ្លាសប្តូរច្បាប់រារាំងប្រធានាធិបតីដូណាលត្រាំវាយប្រហារទៅលើប្រទេសអ៊ីរ៉ង់ ។ ជាមួយនឹងការកែប្រែច្បាប់ខាងលើលោកត្រាំមិនអាចវាយប្រហារទៅលើអ៊ីរ៉ង់បានឡើយបើគ្មានការយលព្រមពីរដ្ឋភានោះ។
ជាមួយនឹងច្បាប់ NDAA បានស្នើដល់ក្រសួងការពារជាតិ ត្រូវតែផ្តល់របាយការណ៍លម្អិតស្តីពីការទប់ស្កាត់ ផ្តល់បច្ចេកវិទ្យា ឲ្យចិននិងរុស្ស៊ី ក៏ដូចជា របាយការណ៍ស្តីពីសកម្មភាព នៅប៉ូលខាងជើងផែនដី។
នៅក្នុងច្បាប់ថ្មីនោះ បានអនុញ្ញាតឲ្យកម្លាំងទាហានអាមេរិក ទិញអាវុធបន្ថែម ក្នុងនោះមានយន្តហោះចម្បាំង F-35 ផលិតដោយក្រុមហ៊ុន Lockheed Martin ។ ក៏ដូចជាទំនើបកម្ម អាវុធបរមាណូ របស់អាមេរិក។
ខាងក្រោមនេះជាប្រទេស មហាអំណាចទាំង២០ដែលចំណាយច្រើនទៅលើយោធានៅក្នុងឆ្នាំ២០១៩៖
១. សហរដ្ឋអាមេរិក៖ នៅឆ្នាំ២០១៩នេះ ប្រាក់ចំណាយសម្រាប់ការពារជាតិអាមេរិក កើនឡើងដល់ ៧១៦ពាន់លានដុល្លារ ហើយឆ្នាំ២០២០ កើនដល់ ៧៥០ដុល្លារ គឺជាចំនួនយ៉ាងច្រើន បំផុត។ កាលពីឆ្នាំ២០១៦ អាមេរិកចំណាយថវិកាជាងជាង៦០០ពាន់លានដុល្លាអាមេរិក តែប៉ុណ្ណោះ។ កម្លាំងសកម្ម ១ ៤០០ ០០០នាក់ រថក្រោះ ៨៨៤៨គ្រឿង យន្តហោះសរុប ១៣៨៩២គ្រឿង នាវាមុជទឹក ៧២គ្រឿង។
២. រុស្ស៊ី៖ កាត់បន្ថយការចំណាយសម្រាប់ការពារជាតិ តែពង្រឹង វិស័យសំខាន់ៗ ។ កាលពីឆ្នាំ ២០១៨ រុស្ស៊ីចំណាយថវិកា ការពារជាតិតែជាង៦១ពាន់លានដុល្លារតែប៉ុណ្ណោះ ។ នៅឆ្នាំ២០១៦រុស្ស៊ីចំណាយថវិកាដល់ទៅ ៨៤,៥ពាន់លានដុល្លាអាមេរិក, កម្លាំងសកម្ម ៧៦៦ ០៥៥នាក់ រថក្រោះ ១៥៣៩៨គ្រឿង យន្តហោះសរុប ៣៤២៩គ្រឿង នាវាមុជទឹក ៥៥គ្រឿង។ រុស្ស៊ីគឺជាប្រទេសតែមួយគត់ដែលបានកាត់បន្ថយការចំណាយទៅលើយោធា ប៉ុន្តែយោធារុស្ស៊ីនៅតែរឹងមាំដដែល។
៣.ចិន ៖ ប្រាក់ចំណាយសម្រាប់ការពារជាតិរបស់ចិន កើនឡើង ៧,៥ភាគរយ នៅក្នុងឆ្នាំ២០១៩នេះ ដោយចិនចំណាយប្រាក់ដល់ទៅ១៧៧,៤៩ពាន់លានដុល្លារ ។ កម្លាំងសកម្ម 4,045,000 នាក់ រថក្រោះ ៩១៥០គ្រឿង យន្តហោះសរុប ២៨៦០គ្រឿង នាវាមុជទឹក ៦៧គ្រឿង។
៤. ជប៉ុន ៖ កើនឡើង ៤៧ពាន់លានដុល្លារ ចំណែកថវិកាឆ្នាំ២០១៦មានតែ៤១,៦ពាន់លានដុល្លាអាមេរិក, កម្លាំងសកម្ម 316,890 នាក់ រថក្រោះ ៦៧៨គ្រឿង យន្តហោះសរុប ១៦១៣គ្រឿង នាវាមុជទឹក ១៦គ្រឿង។
៥. ឥណ្ឌា៖ ថវិកាជិត ៦០ពាន់លានដុល្លាអាមេរិក, កម្លាំងទាហានសកម្ម ១ ៣២៥ ០០០នាក់ សរុបទាហាន5,121,950 រថក្រោះ ៦៤៦៤គ្រឿង យន្តហោះសរុប ១៩០៥គ្រឿង នាវាមុជទឹក ១៥គ្រឿង។
៦. បារាំង៖ ថវិកា៦២,៣ពាន់លានដុល្លាអាមេរិក, កម្លាំងសកម្ម ២០២ ៧៦១នាក់ រថក្រោះ ៤២៣គ្រឿង យន្តហោះសរុប ១២៦៤គ្រឿង នាវាមុជទឹក ១០គ្រឿង។
៧. កូរ៉េខាងត្បូង៖ ថវិកា៦២,៣ពាន់លានដុល្លាអាមេរិក, កម្លាំងសកម្ម ៦២៤ ៤៦៥នាក់ រថក្រោះ ២៣៨១គ្រឿង យន្តហោះសរុប ១៤១២គ្រឿង នាវាមុជទឹក ១៣គ្រឿង។
៨. អ៊ីតាលី៖ ថវិកា៣៤ពាន់លានដុល្លាអាមេរិក, កម្លាំងសកម្ម ៣២០ ០០០នាក់ រថក្រោះ ៥៨៦គ្រឿង យន្តហោះសរុប ៧៦០គ្រឿង នាវាមុជទឹក ៦គ្រឿង។
៩. ចក្រភពអង់គ្លេស៖ ថវិកា៦០,៥ពាន់លានដុល្លាអាមេរិក, កម្លាំងសកម្ម ១៤៦ ៩៨០នាក់ រថក្រោះ ៤០៧គ្រឿង យន្តហោះសរុប ៩៣៦គ្រឿង នាវាមុជទឹក ១០គ្រឿង។
១០.តួកគី៖ ថវិកា១៨,២ពាន់លានដុល្លាអាមេរិក, កម្លាំងសកម្ម ៤១០ ៥០០នាក់ រថក្រោះ ៣៧៧៨គ្រឿង យន្តហោះសរុប ១០២០គ្រឿង នាវាមុជទឹក ១៣គ្រឿង។
១១.ប៉ាគីស្ថាន៖ ថវិកា៧ពាន់លានដុល្លាអាមេរិក, កម្លាំងសកម្ម ៦១៧ ០០០នាក់ រថក្រោះ ២៩២៤គ្រឿង យន្តហោះសរុប ៩១៤គ្រឿង នាវាមុជទឹក ៨គ្រឿង។
១២.អេហ្ស៊ីប៖ ថវិកា៤,៤ពាន់លានដុល្លាអាមេរិក, កម្លាំងសកម្ម ៤៦៨ ៥០០នាក់ រថក្រោះ ៤៦២៤គ្រឿង យន្តហោះសរុប ១១០៧គ្រឿង នាវាមុជទឹក ៤គ្រឿង។
១៣.តៃវ៉ាន់៖ ថវិកា១០,៧ពាន់លានដុល្លាអាមេរិក, កម្លាំងសកម្ម ២៩០ ០០០នាក់ រថក្រោះ ២០០៥គ្រឿង យន្តហោះសរុប ៨០៤គ្រឿង នាវាមុជទឹក ៤គ្រឿង។
១៤.អ៊ីស្រាអែល៖ ថវិកា១៧ពាន់លានដុល្លាអាមេរិក, កម្លាំងសកម្ម ១៦០ ០០០នាក់ រថក្រោះ ៤១៧០គ្រឿង យន្តហោះសរុប ៦៨៤គ្រឿង នាវាមុជទឹក ៥គ្រឿង។
១៥. អូស្ត្រាលី៖ ថវិកា២៦,១ពាន់លានដុល្លាអាមេរិក, កម្លាំងសកម្ម ៥៨ ០០០នាក់ រថក្រោះ ៥៩គ្រឿង យន្តហោះសរុប ៤០៨គ្រឿង នាវាមុជទឹក ៦គ្រឿង។
១៦. ថៃ៖ ថវិកា៥,៣៩ពាន់លានដុល្លាអាមេរិក, កម្លាំងសកម្ម ៣០៦ ០០០នាក់ រថក្រោះ ៧២២គ្រឿង យន្តហោះសរុប ៥៧៣គ្រឿង គ្មាននាវាមុជទឹក ។
១៧. ប៉ូឡូញ៖ ថវិកា៩,៤ពាន់លានដុល្លាអាមេរិក, កម្លាំងសកម្ម ១២០ ០០០នាក់ រថក្រោះ ១០០៩គ្រឿង យន្តហោះសរុប ៤៦៧គ្រឿង នាវាមុជទឹក ៥គ្រឿង។
១៨.អាល្លឺម៉ង់៖ ថវិកា៤០,២ពាន់លានដុល្លាអាមេរិក, កម្លាំងសកម្ម ១៧៩ ០៤៦នាក់ រថក្រោះ ៤០៨គ្រឿង យន្តហោះសរុប ៦៦៣គ្រឿង នាវាមុជទឹក ៤គ្រឿង។
១៩.ឥណ្ឌូនេស៊ី៖ ថវិកា៦,៩ពាន់លានដុល្លាអាមេរិក, កម្លាំងសកម្ម ៤៧៦ ០០០នាក់ រថក្រោះ ៤៦៨គ្រឿង យន្តហោះសរុប ៤០៥គ្រឿង នាវាមុជទឹក ២គ្រឿង។
២០.កាណាដា៖ ថវិកា១៥,៧ពាន់លានដុល្លាអាមេរិក, កម្លាំងសកម្ម ៩២ ០០០នាក់ រថក្រោះ ១៨១គ្រឿង យន្តហោះសរុប ៤២០គ្រឿង នាវាមុជទឹក ៤គ្រឿង។
ការចំណាយថវិការសម្រាប់ការពារជាតិ កើនឡើងខ្ពស់បំផុតមិនធ្លាប់ មានក្នុងរយៈពេល៣០ឆ្នាំកន្លងមក ។ការកើតឡើងដោយសារតែមានវិវាទនៅក្នុងតំបន់អាស៊ី ក្នុងនោះមានសមុទ្រចិនខាងត្បូង ខាងកើត និងមជ្ឈឹមបូព៌ា ។ ជាមួយគ្នានោះការកើតឡើងអាចជម្រុញឲ្យមានការប្រកួតប្រជេងអាវុធសាជាថ្មី៕
