ខេត្ដកំពង់ឆ្នាំង៖ តាចាស់អាយុ៧៦ ឆ្នាំម្នាក់ត្រូវសមត្ថកិច្ចនគរបាលស្រុក ទឹកផុសឃាត់ខ្លួនតាមពាក្យបណ្ដឹងរបស់ ក្រុមគ្រួសារក្មេងស្រីរងគ្រោះដោយចោទប្រកាន់ពីបទរំលោភសេពសន្ថវៈទៅលើ ក្មេង ស្រីអាយុ៦ឆ្នាំ រហូតបានសម្រេច។ ការឃាត់ខ្លួនតាចាស់កំហូចនេះបានធ្វើ ឡើងកាលពីថ្ងៃទី២០ ខែធ្នូ ឆ្នាំ២០១៥ នៅក្នុងភូមិកោះក្ទម្ព ឃុំជៀប ស្រុកទឹក ផុស ខេត្ដកំពង់ឆ្នាំង ។
លោក លីវ ប៊ុនសុង អធិការរងនគរ បាលស្រុកទឹកផុសបានឱ្យដឹងថា ជន សង្ស័យដែលសមត្ថកិច្ចឃាត់ខ្លួនឈ្មោះ នូ ស៊ីណាន ភេទប្រុស អាយុ៧៦ឆ្នាំ រស់ នៅភូមិ-ឃុំកើតហេតុខាងលើ ចំណែក ក្មេងស្រីរងគ្រោះរស់នៅភូមិឃុំជាមួយ គ្នា ។
សមត្ថកិច្ចបានឱ្យដឹងថា តាមការ រៀបរាប់របស់ក្មេងស្រីរងគ្រោះថាកាលពីថ្ងៃទី១៤ ខែធ្នូ ឆ្នាំ២០១៥ នាងបានទៅ លេងទឹកស្ទឹង ដែលស្ថិតនៅក្បែរខ្ទមចាំ ចម្ការរបស់តា នូ ស៊ីណាន ។ ក្រោយពី នាងបានលេងទឹកស្ទឹងរួចតាចាស់ឈ្មោះ នូ ស៊ីណាន បានប្រើល្បិចឱ្យនាងទៅយក របស់នៅក្នុងខ្ទមរបស់គាត់ ស្រាប់តែ ពេលចូលទៅដល់ក៍ត្រូវតាចាស់ជាជនសង្ស័យនេះបានខ្ទប់មាត់នាង រួចធ្វើ សកម្មភាពចាប់រំលោភតែម្ដង។
ក្រោយពេលកើតហេតុនាងមិនបាន ប្រាប់ម្ដាយភ្លាមៗនោះទេ ប៉ុន្ដែក្រោយ មកបានមួយថ្ងៃឈាមចេះតែហូរតាម ប្រដាប់ភេទទើបម្ដាយមានការសង្ស័យ ដោយស្មានតែឈ្លើងទាមនិងបានជជីកសួរនាំនាងរហូតដល់បែកការណ៍ថាតា ចាស់ឈ្មោះ នូ ស៊ីណាន ចាប់រំលោភ នៅពេលដែលនាងទៅលេងទឹកស្ទឹង។ ក្រោយពីដឹងហេតុការណ៍នេះក្រុមគ្រួសារក្មេងស្រីរងគ្រោះបានដាក់ពាក្យប្ដឹងមកសមត្ថកិច្ចហើយនៅថ្ងៃទី២០ ខែធ្នូ ឆ្នាំ ២០១៥ ជនសង្ស័យឈ្មោះ នូ ស៊ីណាន ត្រូវបានសត្ថកិច្ចឃាត់ខ្លួន ។
តាមចម្លើយរបស់ជនសង្ស័យបានសារភាពថា ខ្លួនពិតជាបានធ្វើសកម្មភាព ចាប់រំលោភក្មេងស្រីរងគ្រោះប្រាកដមែន។
នៅពេលនេះសមត្ថកិច្ចបានកសាងសំណុំរឿងបញ្ជូនជនសង្ស័យមកស្នងការដ្ឋាននគរបាលខេត្ដកំពង់ឆ្នាំងដើម្បីចាត់ការបន្ដតាមនីតិវិធី ៕
ដោយ៖ ចន្ថា
