ភ្នំពេញ៖ កម្លាំងសមត្ថកិច្ចប៉ុស្តិ៍នគរបាលប៉ុស្តិ៍បឹងទំពុង បានចេញប្រត្តិបតិការណ៍ដេញចាប់ និងឃាត់ខ្លូនបានជនសង្ស័យ២នាក់ដែលជាមុខសញ្ញាកាច់កម៉ូតូយ៉ាងសកម្មនៅក្នុងរាជធានីភ្នំពេញ ។
កាលពីវេលាម៉ោង១០នឹង៣០នាទីយប់ ថ្ងៃទី២១ ខែធ្នូ ឆ្នាំ២០១៥ នៅចំណុចក្រោយស្ថានីយ៍បូមទឹកបឹងទំពុន ស្ថិតក្នុងសង្កាត់បឹងទំពុន ខណ្ឌមានជ័យ ។
ប្រភពព័ត៌មានពីសមត្ថកិច្ចបានប្រាប់ឱ្យដឹងថា នៅមុនពេលកើតហេតុកម្លាំងល្បាតប្រមាណជា៤ទៅ៥នាក់ បាននឹងកំពុងជិះល្បាតនៅក្នុងមូលដ្ឋាន ខណះមកដល់ចំណុចផ្លូវចូលវត្តដំបូកខ្ពស់ ក៏បានប្រទះឃើញជនសង្ស័យ២នាក់ ដែលជាមុខសញ្ញាកាប់កម៉ូតូយ៉ាងសកម្មនៅក្នុងរាជធានីភ្នំពេញ ដែលកម្លាំងសមត្ថកិច្ចកំពុងតែស្វែងរកតាមចាប់ខ្លួន ហើយនៅពេលដែលឃើញសមត្ថកិច្ចគេក៏បានជិះម៉ូតូរត់គេចខ្លួន ប៉ុន្តែត្រូវបានកម្លាំងសមត្ថកិច្ច ដេញតាមចាប់តាំងពីចំណុចខាងលើរហូតដល់ចំណុចក្រោយស្ថានីយ៍បូមទឹកបឹងទំពុន ក៏ឃាត់ខ្លួនបានម្នាក់ភ្លាមៗ ហើយម្នាក់ទៀតបានលោតចូលក្នុងប្រឡាយគេចខ្លួនបាត់ ។សមត្ថកិច្ចបន្តថា បន្ទាប់ពីឃាត់ខ្លួនបានម្នាក់ កម្លាំងក៏បានធ្វើការរុករកជនសង្ស័យម្នាក់ទៀត អស់រយះពេលជាច្រើនម៉ោង ហើយក៏បានប្រទះឃើញជនសង្ស័យម្នាក់ទៀត រួចក៏ឃាត់ខ្លួនតែម្តង ។
បច្បុប្បន្នជនសង្ស័យទាំង២នាក់ខាងលើត្រូវបានសមត្ថកិច្ចឃាត់ខ្លួនយកទៅសួរនាំនៅបុស្តិ៍នគរបាលបឹងទំពុនដើម្បីធ្វើការសួរនាំ រួចកសាងសំណុំរឿងដើម្បីចាត់ការទៅតាមផ្លូវច្បាប់៕
ដោយ៖ ភារ៉ា ដង្កោ
