ខេត្តមណ្ឌលគិរី ៖ នៅថ្ងៃទី១៧ ខែកក្កដា ឆ្នាំ២០១៩នេះ កម្លាំងផ្នែកជំនាញប្រឆាំងគ្រឿងញៀន នៃអធិការដ្ឋាននគរបាលស្រុកកែវសីមា សហការជាមួយកម្លាំងប៉ុស្ដិនគរបាលរដ្ឋបាលស្រែខ្ទុម បានឃាត់ខ្លួនមុខសញ្ញាជនសង្ស័យម្នាក់ ពាក់ពន្ធ័ករណីជួញដូរ ចែកចាយ និងប្រើប្រាស់គ្រឿងញៀនខុសច្បាប់ ក្នុងនោះដកហូតបានវត្ថុតាង និងសម្ភារមួយចំនួន ។
ជនសង្ស័យឈ្មោះ ដូង សុខលីន ហៅ លីន ) ភេទប្រុស អាយុ១៩ឆ្នាំ ជនជាតិខ្មែរ មុខរបរមិនពិតប្រាកដ មានស្រុកកំណើត ភូមិស្មោញ ឃុំល្លៀង ស្រុកត្បូងឃ្មុំ ខេត្តកំពង់ចាម ។ បច្ចុប្បន្ន រស់នៅភូមិត្រពាំផ្អេរ ឃុំស្រែខ្ទុម ស្រុកកែវសីមា ខេត្តមណ្ឌលគិរី ។
វត្ថុតាងដកហូតបាន៖ ថ្នាំញៀនប្រភេទម៉ាទឹកក ចំនួន២០កញ្ចប់ និង១កញ្ចប់ធំ , ១៨កញ្ចប់ធំល្មម និង១ កញ្ចប់តូច) ។ ដោយឡែកសម្ភារចាប់យកបាន ៖ ម៉ូតូចំនួន០១ គ្រឿង , ទូរសព្ទ័ដៃចំនួន០៣ គ្រឿង,សំបកថង់សម្រាប់វេចខ្ចប់ថ្នាំញៀនមួយចំនួនធំ , ជញ្ជីងសម្រាប់ថ្លឹងថ្នាំញៀនចំនួន១ ៕ ដោយ ៖ ស សម
