សមត្ថកិច្ចខណ្ឌដង្កោបែបត្រូវថ្នាំសណ្ដំ ខណៈម្ចាស់រថយន្តព្រូសបើកបរបុក បង្គោលភ្លើងខូចខាត បណ្ដោយឲ្យម្ចាស់ស្ទូចរថយន្តយកទៅបាត់

ចែករំលែក៖

ភ្នំពេញ ៖ រថយន្តម៉ាកតូយូតាព្រូស មួយគ្រឿង បានបើកវ៉ាជែងគេឯងតាមដងផ្លូវ រេចង្កូតធ្លាក់ផ្លូវទៅបង្គូលភ្លើងថ្មពេញទំហឹង បណ្តាលឲ្យរថយន្តបង្កខ្ទេចផ្នែកខាងយ៉ាងដំណំចំណែកបង្គោលភ្លើងថ្មបែកប្រេះជិតបាក់ ។

ហេតុការណ៍នេះបានកើតឡើងកាលពីវេលាម៉ោង៩ និង៣០យប់ ថ្ងៃទី១៧ ខែកក្កដា ឆ្នាំ២០១៩ ស្ថិតនៅចំណុចមុខវត្តឬស្សីសាញ់ តាមបណ្ដោយផ្លូវ៥០ម៉ែត្រ ក្នុងភូមិប្រការសង្កាត់ព្រៃសរ ខណ្ឌដង្កោ រាជធានីភ្នំពេញ ។

រថយន្តបង្ករម៉ាក តូយូតា ព្រូស ពណ៌ស ពាក់ស្លាកលេខ ភ្នំពេញ 2AJ- 3152 បើកបរដោយបុរសម្នាក់មិនស្គាល់អត្តសញ្ញាណ ។

តាមប្រភពព័ត៌មានពីបងប្អូនប្រជាពលរដ្ឋដែលឃើញហេតុការណ៍នេះបានប្រាប់ឲ្យដឹងថា មុនពេលកើតហេតុ គេឃើញ បុរសម្នាក់សង្ស័យស្រវឹង បានបើករថយន្តម៉ាក តូយូតាព្រូស ពណ៌ស ធ្វើដំណើរតាមបណ្ដោយផ្លូវ ៥០ម៉ែត្រទិសដៅពីត្បូងទៅជើងក្នុងល្បឿនលឿន ព្រមទាំងបានវ៉ាជែង ជាមួយរថយន្តមួយគ្រឿងទៀតមកខាងស្តាំដៃ បណ្តាលឲ្យរថយន្ត រេចង្កូតធ្លាក់ផ្លូវជ្រុលទៅបុកនិងបង្គោលភ្លើងថ្មមួយដើមទំហឹង ធ្វើឲ្យរថយន្តវិលមួយជុំ ខ្ទេចខ្ទីផ្នែកខាងមុខយ៉ាងដំណំ ចំណែកអ្នកបើកបររងរបួសតិចតួច ដោយឡែកបង្គោលភ្លើងវិញក៏បានបែកប្រេះជិតបាក់ផងដែរ ។

ប្រភពដដែលបានបន្តថា បន្តិចក្រោយមក ឃើញមានកម្លាំងសមត្ថកិច្ចមូលដ្ឋាន បានចុះទៅដល់កន្លែងកើតហេតុ ពីរទៅបីនាក់ មិនដឹងជានិយាយជាមួយខាងរថយន្តបង្កអ្វីខ្លះនោះទេ បន្ទាប់មកក៏បាននាំគ្នាចេញពីកន្លែងកើតហេតុបាត់អស់ ដោយមិនរាយការណ៍ទៅផ្នែកជំនាញ ធ្វើឲ្យតំណាងរថយន្តហៅរថយន្ត មកស្ទូចយករថយន្តបង្ករទៅបាត់ ដោយមិនទទួលខុសត្រូវលើការខូចខាតរបស់សម្បត្តិរដ្ឋ ៕ ដោយ៖ ភារ៉ា ដង្កោ

ចែករំលែក៖

នគរដ្រេហ្គន

ព័ត៌មានទាន់ហេតុការណ៍នៅកម្ពុជា