ខេត្តប៉ៃលិន៖ ជនសង្ស័យម្នាក់រួមទាំងថ្នាំញៀនម៉ាពណ៍ការ៉ុតចំនួន១៧គ្រាប់ ត្រូវសមត្ថកិច្ចនគរបាលស្រុកសាលាក្រៅ ភ្នាក់ងារបានផ្ដល់មុខសញ្ញា ចាស់ទៅលោក ជា ចាន់ឌិន នៃស្នងការខេត្ត លោកបានទទួល រួចក៍ដាក់បញ្ជាបានឲ្យលោកគង់ ណន អធិការរងស្រុកសាលាក្រៅឲ្យដឹងនាំកម្លាំង ចំនួន៤/៥នាក់ ចុះទៅឃាត់ខ្លួនជនសង្ស័យបានម្នាក់ ដែលបានចែកចាយថ្នាំញៀននៅក្នុងផ្ទះជនសង្ស័យរកឃើញថ្នាំញៀនចំនួន១៧គ្រាប់ ។

កាលពី វេលាម៉ោង១៩ និង៣០នាទីថ្ងៃទី២១ ខែធ្នូ ឆ្នាំ២០១៥នៅចំណុចក្នុងផ្ទះជនសង្ស័យភូមិអូរអណ្ដូង ឃុំអូរអណ្ដូង ស្រុកសាលាក្រៅ ខេត្តប៉ៃលិន ។ ជនសង្ស័យម្នាក់ដែលចែកចាយថ្នាំញៀនត្រូវសមត្ថកិច្ចឃាត់ខ្លួននោះគេស្គាល់ឈ្មោះទុយ ទី ភេទប្រុស អាយុ៣៣ឆ្នាំមុខរបរ ចែកចាយថ្នាំញៀន រស់នៅភូមិ-ឃុំកន្លែងកើតហេតុខាងលើ ។

លោក គង់ ណន អធិការរងនគរបាលស្រុកសាលាក្រៅបានឲ្យដឹងថា នៅមុនកម្លាំងសមត្ថកិច្ចចុះឃាត់ ខ្លួនសមត្ថកិច្ចបានចុះទៅដល់មុខផ្ទះជនសង្ស័យ ស្រាប់តែជនសង្ស័យឃើញសមត្ថកិច្ច រត់ចូលក្នុងផ្ទះ រួចក៍ឃាត់ខ្លួនជនសង្ស័យឈ្នោះ ទុយ ទី ដឹងថាក្នុងខ្លួនមានថ្នាំញៀនក៍រកឃើញម៉ាពណ៍ការ៉ុតចំនួន១៧គ្រាប់ និងកណ្ដាសសម្រាបជក់ ។

តាមសមត្ថកិច្ចបានបន្តថា ក្រោយពីបានចុះបង្ក្រាបឃាត់ខ្លួនជនសង្ស័យខាងលើ ជនសង្ស័យក៍បានសារភាពមុខសមត្ថកិច្ចថា រូបគេបានបប្រុងចេញ ទៅចែកចាយថ្នាំញៀន នៅចំណុច តាមដងផ្លូវ លំក្នុងភូមិ ឃុំអូរអណ្ដូង ។ បន្ទាប់ពីជនសង្ស័យបានសារភាពថា ថ្នាំញៀននេះខ្លួនបានទិញពីរបុរសម្នាក់ បើកម៉ូតូមកលក់នៅពេលយប់ លើដងផ្លូវលំមួយកន្លែងស្ងាត់ ជននោះមិនបានស្គាល់មុខ មិនស្គាល់ឈ្មោះ ។

ក្រោយពីបានសួរជនសង្ស័យរួចសមត្ថកិច្ច បានកសាងសំណុំរឿងបញ្ជូនជនសង្ស័យម្នាក់និងវត្តុតាងទៅការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តប៉ៃលិនដើម្បីចាត់វិធានការតាមនិតិវិធីច្បាប់ ៕

ដោយ៖ ស សារ៉េត