ខេត្ដកំពង់ធំ៖ រថយន្ដតាកូម៉ាពណ៌ស ១គ្រឿងធ្វើដំណើរពីជើងទៅត្បូងមកដល់ចំណុចកើតហេតុក៏របូតកងក្រោយ ធ្លាក់ពីថ្នល់ជាតិលេខ៦២ក្រឡាប់ផ្ងារ ជើងបណ្ដាលឱ្យមនុស្ស៤នាក់រងរបួស ធ្ងន់៣នាក់និងស្រាល១នាក់ ។
កាលពីយប់ ថ្ងៃទី២១ ខែធ្នូ ឆ្នាំ២០១៥ វេលាម៉ោង ២១និង២០នាទី នៅចំនណុចភូមិវល្លិ យាវ ឃុំត្រញំងឫស្សី ស្រុកកំពង់ស្វាយ ខេត្ដកំពង់ធំ ត្រង់ចន្លោះគីឡូមែត្រលេខ ៣និងលេខ៤ ។
បើតាមប្រភពព័ត៌មានពីកន្លែងកើត ហេតុបានឱ្យដឹងថា អ្នកបើកបរឈ្មោះ លឹម វិចិត្រ ភេទប្រុស អាយុ២៣ឆ្នាំ របួសស្រាល រស់នៅភូមិស្រយ៉ូវ សង្កាត់ ស្រយ៉ូវ ក្រុងស្ទឹងសែន ខេត្ដកំពង់ធំ អ្នក រួមដំណើរឈ្មោះ គឹម សុខយឿន ភេទ ប្រុស អាយុ៣៤ឆ្នាំ របួសធ្ងន់បាក់ដៃស្ដាំ រស់នៅភូមិដំរីជាន់ខ្លា សង្កាត់ដំរីជាន់ខ្លា ក្រុងស្ទឹងសែន ខេត្ដកំពង់ធំ និង ឈ្មោះ លឹង យូ ភេទប្រុស អាយុ១៨ឆ្នាំ របួស ធ្ងន់បាក់ធ្កៀមនិងម្នាក់ទៀត ឈ្មោះ ឡឹង តាន ភេទប្រុស អាយុ១៩ឆ្នាំ របួសធ្ងន់ បែកក្បាលខាងក្រោយទាំង២នាក់រស់នៅភូមិរលួស សង្កាត់ស្រយ៉ូវ ក្រុងស្ទឹង សែន ខេត្ដកំពង់ធំ ។
ក្រោយពីកើតហេតុត្រូវរថយន្ដសា ម៉ុយដឹកយកជនរងគ្រោះទៅសង្គ្រោះនៅពេទ្យ៥១៥ក្នុងខេត្ដកំពង់ធំ ។ ចំណែករថ យន្ដត្រូវបានរថយន្ដស្ទូចយកទៅរក្សាទុក នៅអធិការដ្ឋាននគរបាលស្រុកកំពង់ ស្វាយរងចាំម្ចាស់ចូលខ្លួនមកដោះស្រាយ និងប្រគល់ជូនវិញ ៕
ដោយ៖ ប៊ុន រិទ្ធី
