លោក យឹម សារ៉ាន់ អធិការនគរបាលខណ្ឌពោធិ៍សែនជ័យ ចុះពិនិត្យផ្ទាល់ក្នុងភូមិសាស្ត្ររបស់ខ្លួន ដើម្បីរឹតបណ្តឹងច្បាប់ចរាចរណ៍

ចែករំលែក៖

ភ្នំពេញ​ ៖​ បន្ទាប់ពីដាក់ចេញនូវបញ្ជាពីលោកឧត្តមសេនីយ៍ឯក ស ថេត អគ្គស្នងការរងនគបាលជាតិ និងជាស្នងការនគរបាលរាជធានីភ្នំពេញ ឲ្យកម្លាំងនគរបាលទាំង១៤ខណ្ឌ ក្នុងរាជធានីភ្នំពេញ ត្រូវពង្រឹងច្បាប់ចរា ចរណ៍ដោយមុឺងម៉ាត់បំផុត។
លោក ស ថេត បានបញ្ជាក់ដូច្នេះ «ចាប់ពីថ្ងៃច័ន្ទ ទី២២ ខែកក្កដា ឆ្នាំ២០១៩ស្អែកនេះ យុទ្ធនាការរឹតបណ្ដឹង ច្បាប់ចរាចរណ៍ផ្លូវគោក នឹងត្រូវចាប់ផ្ដើម នៅតាមបណ្ដាគោលដៅនានា ក្នុងរាជធានីភ្នំពេញ ជាពិសេសរឹតបណ្ដឹង ចំពោះអ្នកបើកបរម៉ូតូ និងអ្នករួមដំណើរ ដែលមិនពាក់មួកសុវត្ថិភាព។ អ្នកជិះម៉ូតូ ដែលមិនពាក់​មួក​សុវត្ថិភាព ត្រូវឃាត់ ហើយតម្រូវឲ្យរកមួកសុវត្ថិភាពមកពាក់ ទើបអនុញ្ញាតឲ្យបន្តដំណើរទៅមុខទៀត» ។
សម្រាប់ក្នុងភូមិសាស្ត្រខណ្ឌពោធិ៍សែនជ័យ នៅព្រឹកថ្ងៃចន្ទ​ ទី២២​ ខែកក្កដា​ ឆ្នាំ២០១៩​ លោកវរៈសេនីយ៍ឯក យឹម សារ៉ាន់ អធិការនគរបាលខណ្ឌពោធិសែនជ័យ​ បានដឹកនាំកម្លាំងផ្ទាល់ចុះគោលដៅ ដេីម្បីត្រួតពិនិត្យ​រឹតបណ្តឹងច្បាប់ចរាចរណ៍ក្រោមការបញ្ជាពីលោកឧត្តមសេនីយ៍ឯក ស ថេត អគ្គស្នងការរង នគបាលជាតិ និងជាស្នងការនគរបាលរាជធានីភ្នំពេញ។
ក្នុងនោះផងដែរនិងធ្វេីការឃាត់មិនអោយបន្តដំណេីរទៅមុខទៀតឡេីយ​ប្រសិនបេីបងប្អូនមិនពាក់ មួក សុវត្ថិភាព​ ទាំងអ្នកបេីក​ និងអ្នកអមដំណេីរត្រូវពាក់មួកសុវត្ថិភាព​ រហូតទាល់តែទៅយកមួកសុវត្ថិភាព​ម​កពាក់​ ទេីបអនុញ្ញាតិអោយទៅបាន​ សូមបញ្ជាក់ក្នុងរយ:ពេលមួយខែនៃការផ្សព្វផ្សាយ​ និងណែនាំនេះគឺពុំមានការផាកពិន័យឡេីយ​ ។
លោកវរះសេនីយ៍ឯក​ យឹម​ សារ៉ាន់​  បានសូមណូមពរដល់បងប្អូនប្រជាពលរដ្ឋចូលរួមគោរពច្បាប់ចរាចរណ៍អោយបានគ្រប់ៗគ្នា ៕ សុខា សែនជ័យ​


ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print