ខេត្តឧត្ដរមានជ័យ៖ នៅវេលាម៉ោង១០និង ២០នាទី ថ្ងៃទី២៥ ខែកក្កដា ឆ្នាំ២០១៩ កំលាំងមូលដ្ឋានកងរាជអាវុធហត្ថស្រុកអន្លង់វែង សហការជាមួយ កំលាំងកងរាជអាវុធហត្ថស្នាក់ការសន្តិសុខ ២០៤។ ដឹកនាំដោយ លោកវរ:សេនីយ៍ទោ ងួន ទ្ធីរិទ្ធ មេបញ្ជាការមូលដ្ឋានកងរាជអាវុធហត្ថ ស្រុក អន្លង់វែង បានចុះបង្រ្កាបករណីប្រើប្រាស់និងចែកចាយសារធាតុញៀនខុសច្បាប់ មួយកន្លែងនៅចំណុចភូមិ ជើងភ្នំ ឃុំ ត្រពាំងប្រិយ៍ ស្រុក អន្លង់វែង ខេត្តឧត្តរមានជយ័។
សមត្ថកិច្ចបានអោយដឹងថា៖ ជាលទ្ធផលធ្វើការឃាត់ខ្លួនជនសង្ស័យចំនួន០២នាក់។
ទី១-ឈ្មោះ កេង សុផល ភេទ ប្រុស អាយុ ៤៨ឆ្នាំ មុខរបរលក់ដូរ បច្ចុប្បន្ន រស់នៅ ភូមិ ឃុំ កើតហេតុខាងលើ
ទី២-ឈ្មោះ ប៊ុន ដាណែត ភេទ ប្រុស អាយុ ៣៥ ឆ្នាំ រស់នៅ ភូមិ ឃុំកើតហេតុខាងលើ
ព្រមទាំងចាប់យកវត្ថុតាងរួមមានដូចខាងក្រោម៖
១-ម៉ូតូ C125 ពណ៌ខ្មៅគ្មានស្លាកលេខចំនួន០១គ្រឿង
២-ម្សៅក្រាមពណ៏សរ(ម៉ាទឹកក)ចំនួន០១ថង់ធំ ០២ថង់តូច ស្មើ ៤,៣២ ក្រាម
៣-យ៉ាម៉ា(WY) ចំនួន ០៧ គ្រាប់
៤-ទូរស័ព្ទដៃ ហូវៃ ចំនួន០១គ្រឿង
៥-ប្រាក់ខ្មែរចំនួន០៦ម៉ឺនរៀលនិង ប្រាក់បាត មានចំនួន៥០០បាត ។
បច្ចុប្បន្ន សមត្ថកិច្ចកងរាជអាវុធហត្ថស្រុកកំពុងធ្វើកំណត់ហេតុស្តាប់ចម្លើយ ដើម្បីកសាងសំណុំរឿងចាត់ការតាមនីតិវិធី៕
ដោយ៖ ប៉ែននួន
