ភ្នំពេញ៖ ក្មេងស្ទាវពីរក្រុមប្រដាប់ដោយដំបងដែកនិងពិលឆក់​ ជិះម៉ូតូពីរគ្រឿងដេញវាយគ្នានៅតាមដងផ្លូវសាធារណះបណ្តាលដួលបោកនិងថ្នល់ ស្លាប់ម្នាក់និងរបួសធ្ងន់ចំនួនបីនាក់ បង្កការភ្ញាក់ផ្អេីកកាលពីវេលាម៉ោង២និង៣០នាទីយប់រំលងអាធ្រាត្រឈានចូលថ្ងៃទី២៧ខែកក្តដាឆ្នាំ២០១៩ នៅចំណុចខាងកើតប៉ុស្តិ៍២៤ម៉ោងប្រមាណជា១០០ម៉ែត្រ​ តាមបណ្តោយផ្លូវចោមចៅអតិតផ្លូវវេងស្រេង ក្នុងសង្កាត់ចោមចៅទី១ ខណ្ឌពោធិសែនជ័យ។

សពជនរងគ្រោះនិងអ្នករងរបួសមិនស្គាល់អត្តសញ្ញាណនោះទេ។

តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញក្មេងស្ទាវពីរក្រុម១ក្រុមមានគ្នាពីរនាក់ជិះម៉ូតូសុយស៊ូគីនិច ពណ៌ខ្មៅពាក់ស្លាកលេខកំពង់ចាម1R-2453និង១ក្រុមទៀតមានគ្នាពីរដូចគ្នាជិះម៉ូតូឌ្រីមសង់ស៊េរី០១៩ពណ៌ខ្មៅពាក់ស្លាកលេខភ្នំពេញ1HL-2022ដោយជិះដេញវាយគ្នាក្នុងទិសដៅពីកើតលិចដោយចញ្ច្រាស់ផ្លូវចរាចណ៍មានអ្នកខ្លះកាន់បំដែករលាស់និងពិលឆក់លុះមកដល់ចំណុចកើតហេតុខាងលើម៉ូតូទាំងពីរគ្រឿងបានដួលនិងថ្នល់បណ្តាលខាងភាគីម៉ូតូនិចស្លាប់ភ្លាមៗនៅនិងកន្លែងកើតហេតុម្នាក់និងម្នាក់ទៀតរងរបួសធ្ងន់ចំណែកខាងភាគីម៉ូតូសង់បានរងរបួសធ្ងន់ទាំងពីរនាក់ភ្លាមនោះអ្នករងរបួសធ្ងន់ត្រូវបានរថយន្តស់សង្គ្រោះបន្ទាន់ដឹកយកទៅសង្គ្រោះភ្លាមៗ។

ក្រោយកើតហេតុសមត្ថកិច្ចបានចុះមកដល់ចំណុចកេីតហេតុនិងបានទំនាក់ទំនងទៅសមត្ថកិច្ចជំនាញចុះមកធ្វើវាស់វែងយកទៅរក្សាទុកនៅការិយាល័យចរាចរណ៍ផ្លូវគោករាជធានីភ្នំពេញរងចាំដោះស្រាយនៅពេលក្រោយ។ដោយឡែកសពជនរងគ្រោះសមត្ថកិច្ចទំនាក់ទំនងទៅសាច់ញាត្តិឲ្យមកទទួលយកទៅធ្វើបុណ្យតាមប្រពៃណី៕សុខាសែនជ័យ​