ភ្នំពេញ៖ គណៈបញ្ជាការឯកភាព ខណ្ឌសែនសុខបន្តប្រតិបត្តិការចុះបង្ក្រាបចាប់ក្រុមចែកចាយ និងជក់គ្រឿងញៀន១៩នាក់ នៅតំបន់ត្រពាំងឈូក(មុខពេទ្យលោកសង្ឃ) នៅរសៀលថ្ងៃទី២៣ ខែធ្នូ ឆ្នាំ២០១៥ម្សិលមិញនេះ ស្ថិតនៅភូមិត្រពាំងឈូក សង្កាត់ទឹកថ្លា ខណ្ឌសែនសុខ ។

ប្រតិបត្តិការចុះបង្ក្រាបនោះដឹកនាំដោយលោក សក់ ចន្ទ័កាញ្ញារិទ្ធ អភិបាលរងខណ្ឌ លោក ម៉ក់ ហុង អធិការនគរបាលខណ្ឌសែនសុខ និងកម្លាំងសមត្ថកិច្ចជាច្រើនទៀត និងការចាប់ខ្លួនជនសង្ស័យចែកចាយ និងប្រើប្រាស់គ្រឿងញៀន ចំនួន១៩នាក់។ អធិការនគរបាល ខណ្ឌសែនសុខ លោក ម៉ក់ ហុង បានប្រាប់ថា ក្រៅពីការចាប់ខ្លួនជនសង្ស័យទាំង១៩នាក់ ក្នុងនោះមានស្រីម្នាក់ហើយកម្លាំងសមត្ថកិច្ចក៏បានដកហូតវត្ថុតាង មួយចំនួនផងដែរ ។

វត្ថុតាងដកហូតបានមាន ដាវ២ដើម និងឧប្បកណ៍ប្រើប្រាស់មួយចំនួន ។ ដោយឡែកជនសង្ស័យរួមនឹងវត្ថុតាងត្រូវបានដឹកយកទៅសាកសួរនៅអធិការដ្ឋាននគរបាលខណ្ឌសែនសុខ ដើម្បីរៀបចំកសាងសំណុំរឿងបញ្ជូនទៅតុលាការចាត់ការតាមនីតិវិធី ៕

ដោយ៖ តុង សីហា