ខេត្តស្វាយរៀងៈ យ៉ាងហោចណាស់បុរស៤នាក់ បានរងរបួសធ្ងន់ស្រាលដោយសារករណីគ្រោះថ្នាក់ចរាចរណ៏គួរអោយរន្ធត់ រវាងរថយន្តធុនត្រាប្រើប្រាស់ល្បឿនលឿន បុកជាមួយរថយន្តសាំងយ៉ុងបញ្រាស់គ្នាពេញទំហឹង កាលពីវេលាម៉ោងប្រមាណ៤ទាបភ្លឺ​ថ្ងៃទី១ ខែសីហា ឆ្នាំ២០១៩​ នៅមុខសាលាបឋមសិក្សាប៊ុនរ៉ានី ហ៊ុន សែន ជីភូ  តាមផ្លូវជាតិលេខ១ ស្ថិតក្នុងភូមិជ្រៃធំសង្កាត់ព្រៃអង្គញ់ ក្រុងបាវិត។

យោងតាមសាក្សីបានអោយដឹងថាមុនកើតហេតុមានជនជាតិចិនម្នាក់ម្នាក់មិនត្រូវបានស្គាល់ឈ្មោះបាន បើករថយន្ដ ម៉ាកធុនត្រា ពណ៌ក្រហម ពាក់ស្លាកលេខ ភ្នំពេញ ២AX-១៧១៣និងអ្នករួមដំណើរម្នាក់លើផ្លូវជាតិលេខ១​ ខណះប្រើប្រាស់ល្បឿនលឿនខ្វះប្រុងប្រយត្ន័ស្រាប់តែទៅបុកនឹងរថយន្ដមួយគ្រឿង ម៉ាកសាំង យ៉ុង ពណ៌ស ឆ្នូតខ្មៅ ពាក់ស្លាកលេខ ភ្នំពេញ ២AI-៨៣០៨ជិះគ្នា៤នាក់ក្នុងទិសដៅបញ្រាស់គ្នាបុកយ៉ាងពេញទំហឹង បណ្ដាលអោយបុរសជាអ្នកបើករថយន្ដសាំងយ៉ុងកៀបជាប់នៅក្នុងកាប៊ីនបណ្ដាលឲ្យរងរបួសធ្ងន់និង ៣នាក់ទៀតរងរបួសធ្ងន់ស្រាល ។

ក្រោយបង្កហេតុអ្នកបើករថយន្តធុនត្រានិងអ្នករួមដំណើរជាជនជាតិចិនត្រូវបានសមត្ថកិច្ចឃាត់ខ្លួនមកសាកសួរផងដែរ ។

អ្នករងរបួសទាំង៤នាក់ត្រូវបានសមត្ថកិច្ចនគរបាលបញ្ជូនទៅសង្រ្គោះ នៅក្នុងមន្ទីរពេទ្បង្អែកជីភូក្រុងបាវិត។ និងធ្វើការវាស់វែង រថយន្តទាំង២គ្រឿងមករក្សាទុកនៅអធិការដ្ឋាននគរបាលក្រុងបាវោត ដើម្បីរង់ចាំដោះស្រាយតាមច្បាប់នាពេលក្រោយ ៕