ខេត្តកំពង់ឆ្នាំង៖ មនុស្ស២នាក់បានរងរបួសធ្ងន់ធ្ងរក្នុងហេតុការក្រោះថ្នាក់ចរាចរណ៍រវៀងរថយន្តយីឌុបបុកគ្នាជាមួយរថយន្តតាកូម៉ាប៉ើងទៅប៉ះអ្នកជិះម៉ូតូបណ្តាលអោយរងរបួសធ្ងន់ ។

ហេតុការណ៍នេះបានកើតឡើងនៅវេលាម៉ោង២១ និង៣០នាទីយប់ថ្ងៃទី២២ ខែធ្នូ ឆ្នាំ២០១៥កន្លងទៅនៅលើកំណាត់ផ្លូវជាតិលេខ៥ចន្លោះបង្គោលគីឡូម៉ែត្រលេខ៤២និង៤៣ ស្ថិតក្នុងភូមិពោរិទ្ធិក្រៃ ឃុំស្វាយ ស្រុកសាមគ្គឺមានជ័យ ។

លោក ដួងហុង អធិការនគរបាលស្រុកសាមគ្គឺមានជ័យបានអោយដឹងថា រថយន្តបង្កធុនធំម៉ាកហ៊ីយ៉ាន់ដាយយីឌុបពាក់ស្លាកលេខភ្នំពេញ3A-1847បើកបរពីត្បូងទៅជើងបញ្ច្រាសគ្នាជាមួយរថយន្តតាកូម៉ាពាក់ស្លាកលេខខេមរភូមិន្ទ២ ២៦៧៨ដែល បើកបរពីជើងមកត្បូងបានបុកគ្នាពេញទំហឹងបណ្តាលអោយប៉ើងទៅប៉ះនឹងអ្នកជិះម៉ូតូម៉ាកហុងដា សេ១២៥ពណ៍ខ្មៅជិះឌុបគ្នាពាក់ស្លាកលេខភ្នំពេញ1K-7738ជិះស្របទិសគ្នាជាមួយរថយន្តយីឌុបបណ្តាលអោយរងរបួសធ្ងន់ធ្ងរ  ។

លោកអធិការនគរបាលស្រុកខាងលើបានអោយដឹងបន្ថែមទៀតថា អ្នករងរបួសធ្ងន់ ទី១ ឈ្មោះ(ឃនបូរី)ប្រុសអាយុ២៥ឆ្នាំ ទី២  ឈ្មោះ(សូម៉ៅ)ប្រុសអាយុ២៤ឆ្នាំពួគគេទាំងពីរនាក់រស់នៅក្នុងភូមិស្រះពោធិ  ឃុំភ្នំរាបបាត ស្រុកពញ្ញាឭ ខេត្តកណ្តាល បានរងរបួសធ្ងន់ ។

ប្រភពពីសមត្ថកិច្ចមូលដ្ឋានបានអោយដឹងថា នៅពេលកើតហេតុសមត្ថកិច្ចចុះទៅដល់គេឃើញរថយន្តទាំងពីរគ្រឿងខ្ទាតធ្លាក់ស្រែរៀងៗខ្លួនបាត់ទៅហើយ និងរងការខូចខាតផ្នែកខាងមុខស្ទើរទាំងស្រុងខណៈដែលអ្នកបើកបររថយន្តទាំងពីរមិនមានរងគ្រោះថ្នាក់អ្វីនោះឡើយ ដោយឡែកអ្នកជិះម៉ូតូដែលរងរបួសធ្ងន់ត្រូវបានសមត្ថកិច្ច និងបងប្អូនដឹកយកទៅសង្គ្រោះបន្ទាន់នៅមន្ទីរពេទ្យផងដែរ ។

ក្រោយពេលកើតហេតុរថយន្តទាំងពីរគ្រឿង និងម៉ូតូត្រូវបានសមត្ថកិច្ចនាំយកមករក្សារទុកនៅប៉ុស្តិ៍រដ្ឋបាលរងចាំធ្វើការដោះស្រាយតាមនិតិវិធីច្បាប់ផងដែរ ៕

ដោយ៖ ចន្ថា