ភ្នំពេញ៖ ជនសង្ស័យ២នាក់ត្រូវបាន កម្លាំងកងរាជអាវុធហត្ថខណ្ឌច្បារអំពៅចាប់ខ្លួនជាបន្ដបន្ទាប់កាលពីយប់ថ្ងៃទី ២៣ ខែធ្នូ ឆ្នាំ២០១៥ ពាក់ព័ន្ធបទល្មើស ២ករណីផ្សេងគ្នា ។
ករណីទី១ ៖ ជនសង្ស័យម្នាក់ត្រូវបាន ចាប់ខ្លួនពាក់ព័ន្ធករណីលួចម៉ូតូបាន សម្រេចតែគេចមិនរួចកាលពីវេលា ម៉ោង៧្ប២០នាទីយប់ថ្ងៃទី២៣ ខែធ្នូ ឆ្នាំ ២០១៥ នៅចំនុចផ្លូវ៣៦៩ ភូមិព្រែក សង្កាត់ច្បារអំពៅទី១ ខណ្ឌច្បារអំពៅ។ ជនសង្ស័យមានឈ្មោះយ៉ម សុវណ្ណនន្ន ភេទប្រុស អាយុ២៧ឆ្នាំ មុខរបរព្រូរ ថយន្ដ មានទីលំនៅភូមិតាងូវ សង្កាត់ និរោធ ខណ្ឌច្បារអំពៅ ។ ម៉ូតូដែលជន សង្ស័យលួចបានសម្រេចតែជិះគេចមិនរួចម៉ាកហុងដាស្គូពី ពណ៌សលាយផ្កា ឈូក គ្មានស្លាកលេខ ។
មន្ដ្រីអាវុធហត្ថខណ្ឌបានឱ្យដឹងថា ជន សង្ស័យបានធ្វើសកម្មភាពលួចម៉ូតូនៅចំណុចផ្លូវលេខ៣៦៩ ភូមិព្រះពន្លា សង្កាត់ ព្រែកប្រា ហើយជិះគេចចូលមកសង្កាត់ ច្បារអំពៅទី១ ពេលនោះកម្លាំងល្បាត បានជួបមុខសញ្ញាជនសង្ស័យហើយបើកម៉ូតូដេញតាមទើបចាប់ខ្លួនជនសង្ស័យ បានដកហូតម៉ូតូប្រគល់ឱ្យម្ចាស់វិញ ដោយឡែកជនសង្ស័យត្រូវបញ្ជូនខ្លួនទៅកាន់ទីបញ្ជាការដ្ឋានកងរាជអាវុធហត្ថ រាជធានីភ្នំពេញដើម្បីចាត់ការតាមផ្លូវច្បាប់ ។
ករណីទី២ ៖ មុខសញ្ញាលេងដាវ សាមូរ៉ៃម្នាក់ក្នុងចំណោម៥នាក់ត្រូវបានចាប់ខ្លួនកាលពីវេលាម៉ោង៩និង២០ នាទីយប់ថ្ងៃទី២៤ ខែធ្នូ ឆ្នាំ២០១៥ នៅ ក្នុងបរិវេណវត្ដកម្សាន្ដ ភូមិព្រះពន្លា សង្កាត់ព្រែកប្រា ខណ្ឌច្បារអំពៅ ដក ហូតបានដាវសាមូរ៉ៃ២ដើមដែលជន សង្ស័យលាក់ទុកក្នុងខ្លួនសម្រាប់ធ្វើសកម្មភាពខុសច្បាប់ ។ ជនសង្ស័យមានឈ្មោះ សេង វិសាល ភេទប្រុស អាយុ២១ឆ្នាំ ជាកម្មករសំណង់ មានទីលំនៅផ្ទះជួល ផ្លូវបេតុង ភូមិតាង៉ូវ សង្កាត់និរោធ ខណ្ឌច្បារអំពៅ ។
មន្ដ្រីកងរាជអាវុធហត្ថខណ្ឌបានឱ្យ ដឹងថា ជារៀងរាល់យប់កម្លាំងអាវុធ ហត្ថខណ្ឌបានធ្វើការបែងចែកគោលដៅចុះល្បាតក្នុងភូមិសាស្ដ្រខណ្ឌដើម្បីការ ពារសន្ដិសុខជូនប្រជាពលរដ្ឋ។ ពេលល្បាត ទៅដល់ក្នុងបរិវេណវត្ដកម្សាន្ដក៏ជួប យុវជនមួយក្រុមមានគ្នាពី៤ទៅ៥នាក់ គ្រានោះក្រុមជនសង្ស័យបានរត់គេចខ្លួនអស់នៅសល់តែជនសង្ស័យម្នាក់ត្រូវ បានចាប់ខ្លួនឆែកឆេរកឃើញដាវសាមូ រ៉ៃ២ដើមដែលជនសង្ស័យលាក់ទុកក្នុង អាវសម្រាប់ធ្វើសកម្មភាពខុសច្បាប់ ។
បន្ទាប់ពីឆែករកឃើញវត្ថុតាងសម្រាប់ប្រព្រឹត្ដបទល្មើសរួចមកជនសង្ស័យត្រូវបានឃាត់ខ្លួនរួមជាមួយវត្ថុតាងដាវ២ ដើមបញ្ជូនទៅកាន់បញ្ជាការដ្ឋានកង រាជអាវុធហត្ថរាជធានីភ្នំពេញដើម្បី ចាត់ការតាមផ្លូវច្បាប់ ៕
ដោយ៖ សណ្ដោស
