ភ្នំពេញ៖ បុរសជនជាតិវៀតណាម ម្នាក់ត្រូវនគរបាលខណ្ឌឫស្សីកែវចាប់ឃាត់ខ្លួនពីបទប្រើប្រាស់និងជួញដូរគ្រឿង ញៀនកាលពីរសៀលថ្ងៃទី២៣ ខែធ្នូ ឆ្នាំ ២០១៥ ស្ថិតនៅចំណុចផ្ទះលេខ១២៣ ផ្លូវលំ ភូមិលូ សង្កាត់ស្វាយប៉ាក ខណ្ឌឫស្សីកែវ ។
តាមប្រភពព័ត៌មានពីលោកវរសេនីយ៍ ឯក ទៀង ចាន់សា អធិការខណ្ឌឫស្សីកែវ បានឱ្យដឹងថា ជនសង្ស័យឈ្មោះ ឡាំ ថាញ់យ៉ាវ អាយុ៣៦ឆ្នាំ ជនជាតិវៀត ណាមត្រូវបានកម្លាំងនគរបាលប៉ុស្ដិ៍ស្វាយ ប៉ាកចុះល្បាតនៅក្នុងមូលដ្ឋានរបស់ខ្លួន ហើយឃើញជនសង្ស័យខាងលើកំពុងប្រើ ប្រាស់និងចែកចាយសារធាតុញៀននៅ ក្បែររបងផ្ទះគេទើបកម្លាំងនគរបាល ប៉ុស្ដិ៍ឃាត់ខ្លួនតែម្ដង ។
ជាមួយគ្នានេះសមត្ថកិច្ចដកហូត គ្រឿងញៀនបានចំនួន៩កញ្ចប់និងឧបករណ៍ ប្រើប្រាស់គ្រឿងញៀនបានមួយចំនួនផង ដែរ ។
បច្ចុប្បន្ននេះជនសង្ស័យរូបនេះត្រូវបាន នគរបាលខណ្ឌឫស្សីកែវសាកសួរដើម្បីបន្ដរកបក្ខពួកដែលនៅសេសសល់ និង កសាងសំណុំរឿងបញ្ជូនទៅសាលាដំបូង រាជធានីចាត់ការតាមច្បាប់ ៕
ដោយ៖ អារុណរះ
