ភ្នំពេញ​ ៖​ ភាព​ភ្ញាក់ផ្អេីលបានកើតឡើង បន្ទាប់ពីមានជនសង្ស័យបានបោកគ្រាប់បែកចំនួនមួយគ្រាប់បណ្តាលអោយរថយន្តហាឡែនឌ័រមួយគ្រឿង ខូចខាត និងជញ្ជាំងខុនដូរដែលនៅក្បែរបាក់បែក កាលពីវេលាម៉ោង២និង៣០នាទីរំលងអាធ្រាត្រ​ ឈានចូលថ្ងៃទី៨ ខែសីហា​ ឆ្នាំ២០១៩​ នៅមុខផ្ទះលេខ៦ ផ្លូវលេខ៣១២​ ស្ថិតក្នុងសង្កាត់ទន្លេបាសាក​ ខណ្ឌចំការមន។

តាមសន្តិសុខដែលយាមនៅខុនដូរក្បែរកន្លែងកេីតហេតុបានឲ្យដឹងថា​ មុនពេលកេីតហេតុខណះរូបគាត់កំពុងដេកយាមជាប់ច្រកទ្វា​ខុនដូរស្រាប់តែមានលឺសម្លេងផ្ទុះមួយគ្រាប់នៅលេីផ្លូវមុខនិងខុនដូរពេលនោះគាត់ចេញមកមេីលឃេីញមានតែផ្សែង​ ដោយសង្ស័យមានជនមិនស្គាល់មុខបោកគ្រាប់បែក។

ក្នុងករណីនោះផងដែរធ្វេីអោយរថយន្តម៉ាកហាយឡែនឌ័រមួយគ្រឿងដែលនៅក្បែរបែកកញ្ចក់ម្ខាងនិង​របងខុនដូរងការខូចខាតស្នាអំបែងគ្រាប់ខ្ទៀតត្រូវតែមិនមានមនុស្សរងរបួសនោះទេ។

ក្រោយកេីតហេតុសមត្ថកិច្ចបានចុះមកដល់ចំណុចកេីតហេតុនិងធ្វេីការពិនិត្យជាក់ស្តែងស្រាវជ្រាវរកជនបង្កយកមកផ្តន្ទាទោសតាមច្បាប់ ៕ សុខាសែនជ័យ​