ភ្នំពេញ៖ នៅវេលាម៉ោងជាង១ រំលងអធ្រាត្រ ឈានចូលថ្ងៃទី២៥ ខែធ្នូ ឆ្នាំ២០១៥បានបាត់ម៉ូតូមួយគ្រឿងម៉ាក ហុងដា សេ១២៥ ស៊េរី២០១៤ ពណ៌ខ្មៅ ពាក់ស្លាកលេខ១CI-៣១០២ ត្រូវកម្លាំង កងរាជ្យអាវុធហត្ថប្រចាំការនៅក្បែរ សង្កាត់ស្ទឹងមានជ័យសហការជាមួយ កម្លាំងប្រជាការពារសង្កាត់បានចុះស្រាវ ជ្រាវចាប់មុខសញ្ញាគាស់ផ្ទះបាន២នាក់ ។
ជនសង្ស័យទាំង២នាក់នេះ ត្រូវបាន សមត្ថកិច្ចឃាត់ខ្លួនកាលពីវេលាម៉ោង ១២ថ្ងៃត្រង់ ថ្ងៃទី២៥ ខែធ្នូ ឆ្នាំ២០១៥ នៅ ចំណុចផ្ទះជួលភូមិថ្មី ក្រុមទី៦ សង្កាត់ស្ទឹង មានជ័យ ខណ្ឌមានជ័យ។
ជនរងគ្រោះឈ្មោះគង់ ឆេងលី ភេទស្រី អាយុ៤៣ឆ្នាំ ស្នាក់នៅភូមិដំណាក់ធំ១ សង្កាត់ស្ទឹងមានជ័យ។ ចំណែកជនសង្ស័យ ទាំង២នាក់ ម្នាក់ឈ្មោះ ស៊ី ឡាមីន ភេទ ប្រុស អាយុ១៣ឆ្នាំ រស់នៅខាងក្រោយវត្ដ នន្ទមុនីគ្មានមុខរបរពិតប្រាកដនិងម្នាក់ ទៀតឈ្មោះ អ៊ំ ថ្វីន អាយុ២១ឆ្នាំ ស្នាក់ នៅម្ដុំទីលានចាក់សំរាមភូមិឫស្សី សង្កាត់ ស្ទឹងមានជ័យ ខណ្ឌមានជ័យ ។
តាមចម្លើយសារភាពរបស់ជនសង្ស័យ ឈ្មោះ អ៊ំ ថ្វីន បាននិយាយថា នៅវេលា ម៉ោងជាង១យប់ ខ្លួននិងបក្ខពួក២នាក់ ទៀត បានលួចចូលផ្ទះជនរងគ្រោះនៅភូមិ ឫស្សីដោយយកម៉ូតូបានមួយគ្រឿងហើយ យកទៅដាក់បញ្ចាំចំនួន៣៥០ដុល្លារដោយ មានបក្ខពួកម្នាក់ជាមេខ្លោងយកទៅបញ្ចាំ ប៉ុន្ដែរហូតមកដល់ពេលនេះមិនទាន់បាន ទទួលលុយថ្លៃម៉ូតូផងក៏ត្រូវសមត្ថកិច្ច ឃាត់ខ្លួន តែម្ដង ។ ជនសង្ស័យឈ្មោះ ថ្វីន បានបន្ដថា បក្ខពួកដែលកំពុងរត់គេចខ្លួន រួមជាមួយលុយម៉ូតូនោះឈ្មោះ ប៊យ ។
បច្ចុប្បន្នជនសង្ស័យទាំង២នាក់នេះ ត្រូវបានបញ្ជូនទៅឃុំខ្លួននៅទីបញ្ជាការ មូលដ្ឋានអាវុធហត្ថខណ្ឌមានជ័យដើម្បី កសាងសំណុំរឿងបញ្ចូនទៅកាន់បញ្ជាការដ្ឋានអាវុធហត្ថរាជធានីភ្នំពេញចាត់ការ តាមនីតិវិធីច្បាប់ ៕
ដោយ៖ សហការី
