ពិធីករកម្មវិធីល្បែងជ្រែកជញ្ជាំងបើករថយន្តបុកគេហើយគេចខ្លួនតែគេចមិនរួច

ចែករំលែក៖

ភ្នំពេញ៖ ពិធីករកម្មវិធី «ល្បែងជ្រែកជញ្ជាំង» ប្រចាំនៅស្ថានីយ៍ទូរទស្សន៍ MYTVគឺលោក អ៊ែន ប៊ី បានបើករថយន្តបុកម៉ូតូនារីពីរនាក់បណ្តាលឲ្យរងរបួសធ្ងន់ធ្ងរ ហើយមិនព្រមឈប់រថយន្តដោះស្រាយជាមួយនារីរងគ្រោះនោះទេ បែរជាបើករត់ក្នុងចម្ងាយ ជាង៥គីឡូម៉ែត្រទើបសមត្ថកិច្ចតាមឃាត់បាន ។

NB1

ឧប្បត្តិហេតុនេះកើតឡើង នៅវេលាម៉ោង០០និង១៥នាទីរំលងអធ្រាតឈានចូលថ្ងៃទី២៦ខែធ្នូឆ្នាំ២០១៥ នៅជិតស្ថានីយប្រេងឥន្ធនៈ Total ខាងជើងវត្តភ្នំ ស្ថិតក្នុងសង្កាត់វត្តភ្នំ ខណ្ឌដូនពេញយ៉ាងពេញទំហឹង ។

មន្ត្រីនគរបាលចរាចរបានឲ្យដឹងទៀតថាថា មុនពេលកើតហេតុ លោក អ៊ែន ប៊ី បានបើករថយន្ត Lexus Rx 330ពណ៌សមួយគ្រឿង ពាក់ស្លាកលេខភ្នំពេញ 2AG-2312 មិនដឹងមកពីណា នោះ ទេ ហើយពេលបើកមលដល់ចំណុចកើតហេតុ ក៏ក៏វាក់នឹងនារី ២នាក់ កំពុងជិះម៉ូតូហុងដាសេ១២៥មួយគ្រឿង ហើយទំនងជាចាប់ហ្វ្រាំងមិនទាន់ក៏បុកម៉ូតូបណ្តាលឲ្យនារីទាំងពីរនាកដួលរងរបួសធ្ងន់ត្រូវបានគេដឹកយកទៅសង្គ្រោះនៅមន្ទីរពេទ្យកាល់ម៉ែតភ្លាមៗ ។

មន្រី្តនគរបាលដដែលបន្តថា អ្វីដែលគួរឲ្យហួសចិត្ត គឺបន្ទាប់ពីបង្កគ្រោះថ្នាក់ដល់នារីពីរនាក់ហើយនោះ លោក អ៊ែន ប៊ីមិនបានឈប់រថយន្ត ដើម្បីដោះស្រាយជាមួយនារីរងគ្រោះទាំងពីរនាក់នោះទេ ផ្ទុយទៅវិញលោកបានព្យាយាមបើករថយន្តគេចខ្លួន ទាំងរថយន្តធ្លាក់បាត់កាងខាងមុខ និងស្លាកលេខទៀតផង ។ លុះពេលឃើញដូច្នេះ កម្លាំងនគរបាលខណ្ឌដូនពេញបានជិះម៉ូតូដេញតាមតាំងពីវត្តភ្នំ រហូតដល់ផ្លូវលេខ១៥៦ ម្តុំផ្សារដេប៉ូ ស្ថិតក្នុងសង្កាត់ផ្សារដេប៉ូទី១ទើបចាប់បានទាំងរថយន្ត និងពិធីកររូបនោះយកទៅសួរនាំ និងដោះស្រាយ តាមច្បាប់ ។

ទោះយ៉ាងណាអ្នកបានឃើញហេតុការណ៍គ្រោះថ្នាក់ចរាចរណ៍មួយនេះបានរិះគន់ លោកអ៊ែនប៊ី ថាលោកជាពិធីករមួយរូបមានរូបរាងសង្ហា និងមានសម្តីទន់ភ្លន់គួរឲ្យស្រលាញ់គួរធ្វើអំពើល្អៗក្នុងសង្គមដើម្បីជាគំរូដល់មនុស្សដទៃត្រាប់តាម មិនគួរណាលោកមានរថយន្តទំនើបជិះហើយ បែរជាបើកបុកគេគេចយករួចខ្លួនបែបនេះទេ៕