បញ្ជូនជនសកម្មជួញដូរថ្នាំញៀន៤ នាក់នៅស្រុកស្ទឹងហាវទៅតុលាការ

ចែករំលែក៖

ខេត្ដព្រះសីហនុ៖ នគរបាលប្រឆាំង គ្រឿនញៀននៃស្នងការដ្ឋាននគរបាល ខេត្ដព្រះសីហនុ ចាប់បញ្ជូនជនសកម្ម ជួញដូរនិងប្រើថ្នាំញៀន៤នាក់ទៅតុលា ការនៅព្រឹកថ្ងៃទី២៦ ខែធ្នូ ឆ្នាំ២០១៥ បន្ទាប់ពីបានចាប់ខ្លួនកាលពីថ្ងៃទី២៤ ខែ ធ្នូ ឆ្នាំ២០១៥ នៅក្រុមទី១៣ ភូមិ៤ ឃុំ ទំនប់រលក ស្រុកស្ទឹងហាវ ខេត្ដព្រះ សីហនុ។

20151226_092651_resized

នគរបាលស្រុកស្ទឹងហាវបានឱ្យដឹងថា ជនសង្ស័យប្រើប្រាស់និងលក់ថ្នាំញៀន ត្រូវបានចាប់បញ្ជូនទៅតុលាការនេះ ទី១-ឈ្មោះ ពោល ចិន្ដា ហៅអាដា ភេទ ស្រី អាយុ៣៤ឆ្នាំ មានស្រុកកំណើតនៅ ភូមិដូង ឃុំព្រៃកំភេម ស្រុករមាស ហែក ខេត្ដស្វាយរៀង មុខរបរមិនពិត ប្រាកដ មានទីលំនៅបច្ចុប្បន្នភូមិ៤ ឃុំ ទំនប់រលក ស្រុកស្ទឹងហាវ ខេត្ដព្រះសី ហនុ (ជួញដូរគ្រឿងញៀន) ទី២-ឈ្មោះ ដុល ណាចា ហៅទូច ភេទប្រុស អាយុ ៣៦ឆ្នាំ មានស្រុកកំណើតក្នុងរាជធានី ភ្នំពេញ បច្ចុប្បន្នមានទីលំនៅភូមិ១ ឃុំ កំពេញ ស្រុកស្ទឹងហាវ ខេត្ដព្រះសីហនុ (ជួញដូរគ្រឿងញៀន) ទី៣-ឈ្មោះ ជួន តាំង ហៅ ពៅ* ថាណាក់ អាយុ អាយុ២២ ឆ្នាំ នៅស្រុកកំណើតនៅភ្នំពេញ បច្ចុប្បន្ន នៅភូមិ១ ឃុំកំពេញ ស្រុកស្ទឹងហាវ (ជួញដូរ) និងទី៤-ឈ្មោះ ព្រំ ចាន់ត្រា ហៅត្រា ភេទប្រុស អាយុ២១ឆ្នាំ មាន ស្រុកកំណើតភូមិ៤ សង្កាត់ទំនប់រលក បច្ចុប្បន្នរស់នៅក្រុម១៣ ភូមិ៤ ឃុំទំនប រលក ស្រុកស្ទឹងហាវ(ប្រើប្រាស់គ្រឿង ញៀន) ។

ប្រភពពីមន្ដ្រីដដែលឱ្យដឹងទៀតថា ជាមួយការចាប់ខ្លួនជនសង្ស័យខាងលើ នេះសមត្ថកិច្ចបានរឹបអូសថ្នាំញៀនមេតំ ហ្វេតាមីន ទឹកកក(ICE) ចំនួន៣៥ កញ្ចប់តូចទម្ងន់៣,៩ក្រាម ទូរស័ព្ទ៣ គ្រឿង, អាយផេត១គ្រឿង, ដបជក់ថ្នាំ ញៀន២ និងសម្ភារមួយចំនួនទៀត ។

តាមរបាយការណ៍នគរបាលស្រុកស្ទឹង ហាវបានបង្ហាញថា វត្ថុតាងគ្រឿងញៀន ដែលដកហូតបានខាងលើនេះជារបស់ ជនសង្ស័យឈ្មោះ ពោល ចិន្ដា ហៅដា។ របាយការណ៍ដដែលបានបញ្ជាក់ថា ចាប់ តាំងពីប្ដីរបស់នាងពោល ចិន្ដា ត្រូវ សមត្ថកិច្ចចាប់ខ្លួនដាក់ពន្ធនាគារពាក់ ព័ន្ធនឹងគ្រឿងញៀនរួចមក នាងបាននៅ សល់ប្រភេទថ្នាំញៀនមេតំហ្វេតាមីន ទឹកកកចំនួន៤កញ្ចប់តូច ដែលប្ដីបាន លាក់ទុក ។ ក្រោយមកនាងបានយកមក លក់ឱ្យគេក្នុងមួយកញ្ចប់៤ម៉ឺនរៀល ហើយនៅពេលលក់អស់នាងមិនដឹងរក ទិញគ្រឿងញៀនទៀតនៅឯណាទេ ។ ពេល នោះនាងក៏បានជួបបុរសម្នាក់ឈ្មោះ ង៉ែត បានមកជួបនាងហើយឱ្យនាងជួយ លក់គ្រឿងញៀនឱ្យគេដោយដំបូងឈ្មោះ ង៉ែត បានផ្ដល់ថ្នាំញៀនឱ្យនាងចំនួន១០ កញ្ចប់តូចដើម្បីទុកលក់ឱ្យគេ ។ ក្រោយ មកឈ្មោះង៉ែត បានផ្ដល់គ្រឿងញៀន២០ កញ្ចប់តូចទៀត ហើយរហូតដល់សមត្ថ កិច្ចចាប់ខ្លួនតែម្ដង ។

ចំណែកជនសង្ស័យឈ្មោះ ដុល ណាចា ហៅទូច បានឆ្លើយថា រូបគេបានរស់នៅ ភូមិថ្មីជាមួយឈ្មោះ ទិត្យ ដោយឈ្មោះ ទិត្យ ឱ្យគ្រឿងញៀនកាន់ចំនួន៥កញ្ចប់ តូចដើម្បីលក់ ។ បន្ទាប់មករូបគេបាន ស្គាល់ឈ្មោះ ពោល ចិន្ដា ដែលជាអ្នក យកគ្រឿងញៀនទៅឱ្យឈ្មោះ ទិត្យ ដើម្បី លក់និងចែកចាយបន្ដឱ្យម៉ូយ ដោយ ឈ្មោះ ពោល ចិន្ដា បានឱ្យប្រាក់មកខ្លួន និងឈ្មោះ ទិត្យ ម្នាក់៥ពាន់រៀល ។

ដោយឡែកឈ្មោះ ជួន តាំង បាន ឆ្លើយថា ខ្លួនជាអ្នកប្រើប្រាស់គ្រឿងញៀន តាំងពីឆ្នាំ២០០៧ មកម្ល៉េះហើយក្រោយ មកបានមករស់នៅស្រុកស្ទឹងហាវដើម្បី ធ្វើការនិងមានពេលមួយនោះបានទៅ ជក់ថ្នាំញៀននៅភូមិថ្មី ក្នុងបន្ទប់ជួល របស់ឈ្មោះ ពោល ចិន្ដា ហើយក្រោយ មកបានសុំជួយលក់ថ្នាំញៀនឱ្យឈ្មោះ ពោល ចិន្ដា ដើម្បីយកប្រាក់កម្រៃប្រើ ប្រាស់ថ្នាំញៀន ។ រីឯជនសង្ស័យឈ្មោះ ព្រំ ចាន់ត្រា បានឆ្លើយថា រូបគេបានមក នៅបន្ទប់ជួលរបស់ឈ្មោះ ពោល ចិន្ដា ហើយបានជក់ថ្នាំញៀន ហើយបានឃើញ មនុស្សទាំង៣នាក់ខាងលើនេះលក់ដូរ គ្រឿងញៀនជារៀងរាល់ថ្ងៃយប់ មាន ឈ្មោះ ពោល ចិន្ដា , ដុល ណាចា និង ឈ្មោះ ជួន តាំង ។

ផ្អែកតាមចម្លើយជនសង្ស័យខាងលើ នេះសមត្ថកិច្ចបានសន្និដ្ឋានថា ជន សង្ស័យឈ្មោះ ពោល ចិន្ដា , ឈ្មោះ ដុល ណាចា និងឈ្មោះ ជួន តាំង ពិតជាបាន ប្រព្រឹត្ដបទល្មើសជួញដូរគ្រឿងញៀនពិត ប្រាកដមែន ។ ចំណែកឈ្មោះព្រំ ចាន់ត្រា ពិតជាបានប្រព្រឹត្ដការប្រើថ្នាំញៀន នោះដែរ ៕

20151226_090044_resized