ខេត្ដកំពង់ស្ពឺ៖ បុរសម្នាក់បានស្លាប់ ភ្លាមខណៈជិះម៉ូតូទៅបុករថយន្ដពីក្រោយកាលពីថ្ងៃទី២៥ ខែធ្នូ ឆ្នាំ២០១៥ ម៉ោង ១៩និង០៥នាទី លើផ្លូវលេខ៤៤ គីឡូ ម៉ែត្រលេខ២០-២១ ចំណុចភូមិអូរនាង ហ៊ីង ឃុំតាំងក្រូច ស្រុកសំរោងទង ខេត្ដ កំពង់ស្ពឺ ។
ប្រភពពីសមត្ថកិច្ចស្រង់សម្ដីសាក្សីបានឱ្យដឹងថា មុនពេលកើតហេតុមាន ម៉ូតូ១គ្រឿងម៉ាកហុងដាសេ១២៥ ស៊េរីឆ្នាំ២០១៣ ពណ៌ខ្មៅ ពាក់ស្លាកលេខ តាកែវ1I-3859 បើកបរដោយឈ្មោះ ភិន រឿន ភេទប្រុស អាយុ៣៩ឆ្នាំ រស់ នៅភូមិត្រញំងក្រសាំង ឃុំពេជ្រសា ស្រុកកោះអណ្ដែត ខេត្ដតាកែវ ធ្វើដំណើរ មកពីទិសខាងលិចទៅទិសខាងកើត។ លុះបើកមកដល់ចំណុចខាងលើបានបុក រថយន្ដពីក្រោយ១គ្រឿងម៉ាកត្រូពិក ពណ៌ខ្មៅ គ្មានស្លាកលេខ អ្នកបើកបរមិន ស្គាល់ឈ្មោះនិងទីលំនៅដែលកំពុងធ្វើ ដំណើរស្របទិសគ្នាបណ្ដាលឱ្យអ្នកបើកម៉ូតូស្លាប់នៅកន្លែងកើតហេតុ។ ចំណែក អ្នកបើករថយន្ដបានចុះរត់គេចខ្លួនបាត់។
សមត្ថកិច្ចបានបន្ដថា ក្រោយកើត ហេតុនិងវាស់វែងរួចសមត្ថកិច្ចបាន ប្រគល់សពឱ្យក្រុមគ្រួសារយកទៅធ្វើ បុណ្យ។ ចំណែករថយន្ដខូចកម្រិតស្រាល ម៉ូតូខូចធ្ងន់ចំពោះវត្ថុតាងទាំង២គ្រឿង យកមករក្សាទុកនៅអធិការដ្ឋាននគរ បាលស្រុកសំរោងទង៕
ដោយ៖ សេនាស័ក្ដិ
