ប្រភពពត៌មាននៅកន្លែងកើតហេតុបានឲ្យដឹងថា មុនពេលកើត ហេតុគេឃើញក្មេងស្ទាវ២ក្រុមបើករថយន្តស៊េរី ទំនើបៗ ២គ្រឿង ធ្វើដំណើរតាមបណ្ដោយផ្លូវR5ទិសដៅពីលិចទៅកើតយ៉ាងលឿនវ៉ាជែងគ្នា ខណៈមក​ដល់​ចំណុចកើតហេតុរថយន្ត បានរ៉េចង្កូតជ្រុលទៅបុកចិញ្ចើមផ្លូវហោះទៅបុកដើមឈើបណ្តាលឲ្យបាក់អស់មួយដើម និងបន្តទៅបុកបង្គោលភ្លើងបំភ្លឺផ្លូវពេញទំហឹងបណ្ដាលឲ្យរងការខូចខាតកំពិតអស់មួយដើមទៀត។ ចំណែករថយន្តខ្ទេចផ្នែកខាងមុខស្ទើរតែទាំងស្រុង ឯរថយន្តមួយគ្រឿងទៀតបានបើករត់បាត់ស្រមោលហើយ ក្នុងគ្រោះថ្នាក់ចរាចរនេះពុំមាននណាម្នាក់ រងរបួសឬក៏ស្លាប់នោះទេ។

បន្ទាប់ពីកើតហេតុភាគីរថយន្តបង្ករបានដោះស្រាយជាមួយម្ចាស់ក្រុមហ៊ុន ដោយព្រមចេញសំណងរាល់ការ​ខូចខាត បញ្ចប់រឿងតែម្ដង ៕ ជ្រោយពេជ្រ