ភ្នំពេញ៖ យុវជនម្នាក់រួមដំណើរជាមួយគ្នា៤នាក់បានបើករថយន្តស៊េរីទំនើបមួយគ្រឿងយ៉ាងលឿនដូចហោះរួចរេចង្កូតជ្រុលទៅបុកនឹងដើមឈើមួយដើមហើយបង្គោលភ្លើងបណ្តាលអោយបាក់អស់មួយរងការខូចខាតខ្ទេចអស់មួយកំណាត់ខាងមុខនិងផ្ទុះពោងទាំងសងខាងបណ្តាលឲ្យមានការខូចខាតយ៉ាងដំណំ។

ហេតុការណ៍នេះបានកើតឡើងកាលពីវេលាម៉ោង
២និង៣៥នាទីរំលងអាធាត្រឈានចូលថ្ងៃទី២៧ ខែសីហា ឆ្នាំ២០១៩ នៅតាមបណ្តោយផ្លូវR5ចំណុចស្តុប
បឹងកក់ស្ថិតនៅក្នុងសង្កាត់ស្រះចក ខណ្ឌដូនពេញ។

តាមសាក្សីដែលឃើញហេតុការណ៍បានអោយដឹងថា៖ មុនពេលកើតហេតុគេបានឃើញយុវជនម្នាក់បានបើករថយន្តមួយគ្រឿងម៉ាកហ្វតសេរីទំនើបពណ៌ទឹកប្រាក់មិនចាំស្លាកលេខជិះគ្នាប្រហែលជា៣ទៅនាក់បើកក្នុងល្បឿនយ៉ាងលឿនបួងចង្កូតជ្រុលទៅបុកនិងឃឿនជ្រុលទៅជាមួយដើមឈើរួមទាំងបង្គោលភ្លើងបាក់អស់មួយដើមរីឯរថយន្តបង្កវិញរងការខូចខាតខ្ទេចអស់មួយកំណាត់ខាងមុខ តែសំណាងល្អមិនមានអ្នករងរបួសគ្រាន់តែខូចខាតរថយន្ត ហើយភ្លាមៗនោះដែរមិត្តភ័ក្តិខាងម្ចាស់រថយន្តបង្កបាននាំគ្នាកាច់ស្លាកលេខរថយន្តខាងក្រោយនិងខាងមុខរួចឡើងជិះរថយន្តមិត្តភ័ក្តិមួយគ្រឿងទៀតរត់គេចខ្លួនបាត់ស្រមោលបន្សល់ទុកនៅតែរថយន្តបង្កនៅនិងកន្លែងកើតហេតុតែប៉ុណ្ណោះ។

ក្រោយពេលកើតហេតុរថយន្តបង្កត្រូវបានសមត្ថកិច្ចធ្វើការវាស់វែងស្ទូចយកទៅរក្សាទុកនៅការិយាល័យចរាចរណ៍ផ្លូវគោករងចាំដោះស្រាយគ្នានៅពេលក្រោយ៕

ដោយ៖ ធឿនព្រែកជ័យ