ខេត្តស្វាយរៀង៖ ពិតជាសង្វេគណាស់ក្មេងស្រីម្នាក់បានស្លាប់បន្ទាប់ពីបញ្ជូនទៅសង្គ្រោះនៅមន្ទីពេទ្យបង្អែកស្រុករមាសហែក ក្រោយពីជួបហេតុការណ៏បាក់ធ្លាក់ថ្មហោជាងបង្អួច ខណៈកំពុងដេកលង់លក់មិនដឹងខ្លួននៅពេលយប់។
ហេតុការណ៏នេះបានកើតឡើងកាលពីវេលាម៉ោង១១យប់ថ្ងៃទី២៧ ខែសីហាឆ្នាំ២០១៩ស្ថិតក្នុងភូមិត្រពាំងជ័រ ឃុំម្រាមស្រុករមាសហែក ។
យោងតាមសមត្ថកិច្ចនគរបាលស្រុកបានអោយដឹងថា៖ ក្មេងស្រីរងគ្រោះមាន
ឈ្មោះខឿន ភឿនម៊ី អាយុ៤ឆ្នាំរស់នៅភូមិត្រពាំងជ័រ ឃុំម្រាម ស្រុករមាសហែក ។
តាមជីដូនបានរៀបរាប់ប្រាប់ទាំងទឹកភ្នែកថាមិនគួរណាមានរឿងនេះកើតឡើងសោះដោយសារមានជីវភាពក្រីក្រទើបកូនប្រុសស្រីគាត់បានទៅធ្វើការនៅឯប្រទេសថៃដោយផ្ញើរចៅស្រីទុកអោយគាត់មើលថែ។
ប្រភពបន្តថា៖ មុនពេលកើតហេតុក្រោយពីហូបបាយរួចក៏បានចូលដេកដូចសព្វដងលុះនៅវេលាម៉ោង១១យប់ស្រាប់តែលឹសូរប្រាវលឺដល់គាត់ជាជីដូនភ្ញាក់ប្រញាប់ប្រញាល់រត់ទៅមើលឃើញធ្លាក់ថ្មហោជាងបង្អួច និងចៅស្រីបែកក្បាលសន្លប់ស្ដូកស្ដឹង ត្រូវបានបញ្ជូនទៅមន្ទីរពេទ្យបង្អែក្រុករមាសហែកប៉ុន្តែដោយមានសភាពធ្ងន់ធ្ងរពេកក៏ដាច់ខ្យល់ស្លាប់បាត់បង់ជីវិត។
សពត្រូវបានជីដូនយកត្រលប់មកធ្វើបុណ្យតាមប្រពៃណីទាំងក្ដុកក្ដួលបំផុត៕
ដោយ៖ យឹម សុថាន
