ភ្នំពេញ ៖ ជនសង្ស័យម្នាក់ត្រូវកម្លាំងប៉ុស្តិ៍នគរបាលសង្កាត់ឃ្មួញធ្វើការឃាត់ក្រោយពីរូបគេបានប៉ុនប៉ងលួចទ្រទ្រព្យសម្បត្តិអ្នកដ៍ទៃតែមិនបានសម្រេច។ករណីនេះបានកើតឡើងកាលពីវេលាម៉ោង២២និង០៥នាទីថ្ងៃទី២៩ ខែសីហា ឆ្នាំ២០១៩ នៅចំណុចផ្ទះលេខ២២៧អា ផ្លូវបេតុង ភូមិបន្លាស្អិត សង្កាត់ឃ្មួញ ខណ្ឌសែនសុខ។
លោកញាណ នន នាយនគរបាលប៉ុស្តិ៍រដ្ឋបាលសង្កាត់ឃ្មួញបានអោយដឹងថា ជនសង្ស័យមាន ឈ្មោះ យូ លាង ភេទប្រុស អាយុ២៤ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅក្នុងរោងកម្មករ ភូមិបន្លាស្អិត សង្កាត់ឃ្មួញ ខណ្ឌសែនសុខ (មានសារធាតុញៀន) ។
ចំណែកជនរងគ្រោះឈ្មោះ ត្រិន វង្សសហ្សកា ភេទប្រុស អាយុ៣០ឆ្នាំ ជនជាតិខ្មែរ មុខរបរគ្រូបង្រៀនភាសាបរទេស ស្នាក់នៅផ្ទះលេខ២២៧អា ផ្លូវបេតុង ភូមិបន្លាស្អិត សង្កាត់ឃ្មួញ ខណ្ឌសែនសុខ ។
លោកនាយប៉ុស្តិ៍បានអោយដឹងបន្តទៀតថា នៅមុនពេលកើតហេតុ កម្លាំងប៉ុស្កិ៍រដ្ឋបាលឃ្មញ ទទួលព័ត៌មានពីជនរងគ្រោះថា នៅចំណុចកើតហេតុខាងលើ មានជនសង្ស័យម្នាក់ បានផ្លោះចូលក្នុងរបងផ្ទះរបស់ខ្លួន ក្រោយពីទទួលព័ត៌មានលោកបានដឹកនាំកម្លាំងរបស់លោក ចុះដល់ចំណុចកើតហេតុហើយឃើញជនសង្ស័យជាក់ស្តែងក៍ នាំខ្លួនជនសង្ស័យយកមកធ្វើការសាកសួរ នៅអធិការដ្ឋាននគរបាលខណ្ឌសែនសុខតែម្តង ។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនីតិវិធី៕ចន្ទ លីហ្សា
...
