ប្រភពបានអោយដឹថា រថយន្តកែច្នៃបាកុងចំនួន០៣គ្រឿងនិងឈើហ៊ុប០២កំណាត់មុខកាត់ធំៗដែលក្រុមឈ្មួញយកមកលាក់ទុកក្នុងព្រៃបន្ទាប់ពីយុទ្ធនាការបង្ក្រាបទូរទាំងប្រទេសយ៉ាងក្តៅកគុករួចមកនោះ ត្រូវបានសមត្ថកិច្ចក៏ប្រទះឃើញក្រោយពេលដែលក្រុមឈ្មួញទុច្ចរិតយកមកលាក់ទុកដើម្បីគេចពីការបង្ក្រាបរបស់សមត្ថកិច្ច តែទោះជាយ៉ាងណានៅតែគ្មានវាសនាលកអដូចការរំពឹងទុកឡើយ ។

មន្ត្រីអាវុធហត្ថខេត្តអោយដឹងថា លោក វ៉ី សំណាង អភិបាល នៃគណៈអភិបាលខេត្តកំពង់ស្ពឺ និងជាប្រធានគណៈបញ្ជាការឯកភាពខេត្ត បានដឹកនាំកម្លាំងចំរុះ ចុះបង្ក្រាបរថយន្តច្នៃ(ប៉ាកុង)ចំនួន០៣គ្រឿង នឹងរឹប​អូសនូវឈើហ៊ុប២កំណាត់ធំមានមុខកាត់ធំ មិនក្រោម១០ម៉ែត្រគូបឡើយ ការចុះបង្ក្រាបនេះបន្ទាប់ពីកម្លាំង ​ជំនាញធ្វើការរុករកនិងស្រាវជ្រាវយ៉ាងយកចិត្តទុកដាក់រួចមក ។

មន្ត្រីដដែលបន្តថា ការបង្ក្រាបរថយន្តបាកុងទាំង០៣គ្រឿងខាងលើនេះ គឺអនុវត្តតាមបទបញ្ជាយ៉ាងក្តៅ គគុករបស់នាយឩត្តមសេនីយ៍សៅ សុខា ក្នុងការបង្ក្ ាបទល្មើសធនធានធម្មជាតិទូរទាំងប្រទេសដើម្បីទប់ស្កាត់បទល្មើសធនធានធម្មជាតិបំផ្លាញព្រៃឈើជាចំបងនោះ។

ជាងនេះទៅទៀតឯកឩត្តមវ៉ី សំណាង អភិបាលនៃគណៈអភិបាលខេត្តកំពង់ស្ពឺមានប្រសាសន៍ថាខេត្តកំពង់ស្ពឺមិនមែនជាកន្លែងសម្រាប់ប្រព្រឹត្តបទល្មើសនិងលាក់ទុកមធ្យោបាយប្រព្រឹត្តបទល្មើសព្រៃឈើនោះឡើយ ដោយលោកមានប្រសាសន៍ថារាក់បទល្មើសព្រៃឈើបង្ក្រាបទាល់តែអស់មិនថាក្រុមឈ្មួញមានអំណាចឬបុណ្យសក្តិធំប៉ុនណាឡើយ ៕ សេនាស័ក្តិ