ខេត្តកំពង់ចាម ៖ កម្លាំងនគរបាលខេត្តបានបេីកប្រតិបត្តិការបង្ក្រាបគ្រឿងញៀន ធ្វេីឡេីងចំនួន៣ស្រុករួមមាន ៖ ស្រុកស្ទឹងត្រង់ ស្រុកជើងព្រៃនិង ស្រុកបាធាយ ខណៈកម្លាំងឃាត់ជនសង្ស័យ១៧នាក់ និងដកហូតវត្ថុតាងថ្នាំញៀនចំនួន១៧កញ្ចប់ (ធំ០១កញ្ចប់) ទូរស័ព្ទចំនួន០៥គ្រឿង ម៉ូតូ០៧គ្រឿង ជញ្ជីងអេឡិចត្រូនិច០១ ដាវចំនួន០១ដើម និងឧបករណ៍សេពមួយចំនួន ។
លោកវរសេនីយ៍ទោ ជីវ សេងរស់ នាយការិ យាល័យប្រឆាំងគ្រឿងញៀនខេត្តកំពង់ចាម បានអោយដឹងថា ប្រតិបត្តិការនេះធ្វើឡើងស្របតាមការអនុវត្តតាមផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៤របស់រាជរដ្ឋាភិបាល និងបទបញ្ជារបស់ឯកឧត្តម នាយឧត្តមសេនីយ៍សន្តិបណ្ឌិត ជំរុញអោយមានវិធានការបង្ក្រាបសកម្មភាពគ្រឿងញៀន ។
លោកបន្តថា នៅថ្ងៃទី១៩ ខែកញ្ញា ឆ្នាំ២០១៩ កម្លាំងលោកបានចុះបង្ក្រាបករណីគ្រឿងញៀនចំនួន៣ស្រុករួមមាន ៖ ស្រុកជើងព្រៃ ស្រុកស្ទឹងត្រង់និងស្រុកបាធាយ ក្រោយពីទទួលពត៌មានពីប្រជាពលរដ្ឋ លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម ក៏បានចាត់ជំនាញការិយាល័យប្រឆាំងគ្រឿងញៀនចុះបង្រ្កាបករណីគ្រឿងញៀនក្នុងស្រុកចំនួន៣ ខណៈកម្លាំងបានឃាត់ជនសង្ស័យចំនួន១៧នាក់ ៖
១-ឈ្មោះចាន់ ដារ៉ា ភេទប្រុស ជាតិខ្មែរ អាយុ២៨ឆ្នាំ នៅភូមិតាបែក ឃុំសំបូរ ស្រុកបាធាយ ខេត្តកំពង់ចាម។
២-ឈ្មោះហួត សីហា ភេទប្រុស អាយុ៣២ឆ្នាំ ជាតិខ្មែរ នៅភូមិតាបែក ឃុំសំបូរ ស្រុកបាធាយ ខេត្តកំពង់ចាម។
៣-ឈ្មោះខាន់ លីនដា ភេទប្រុស អាយុ២៨ឆ្នាំ ជាតិខ្មែរ នៅភូមិតាំងគោក ឃុំតាំងក្រាំង ស្រុកបាធាយ ខេត្តកំពង់ចាម។
៤-ឈ្មោះសេង ប៊ុនរ៉េត ភេទប្រុស អាយុ១៨ឆ្នាំ ជាតិខ្មែរ នៅភូមិភ្នំដិល ឃុំតាំងក្រាំង ស្រុកបាធាយ ខេត្តកំពង់ចាម។
៥-ឈ្មោះហាក់ ឆានុន ភេទប្រុស អាយុ១៧ឆ្នាំ ជាតិ នៅភូមិតាំងគោក ឃុំតាំងក្រាំង ស្រុកបាធាយ ខេត្តកំពង់ចាម។
៦-ឈ្មោះចិន ភារុណ ភេទប្រុស អាយុ១៧ឆ្នាំ ជាតិខ្មែរ នៅភូមិប្រាសាទ ឃុំតាំងក្រាំង ស្រុកបាធាយ ខេត្តកំពង់ចាម។
៧-ឈ្មោះមី រតនា ភេទប្រុស អាយុ១៩ឆ្នាំ ជាតិខ្មែរ នៅភូមិតាំងគោក ឃុំតាំងក្រាំង ស្រុកបាធាយ ខេត្តកំពង់ចាម។
៨-ឈ្មោះផាន ភ័ក្រ ភេទប្រុស អាយុ២៣ឆ្នាំ ជាតិខ្មែរ នៅភូមិជើងឆ្នុក ឃុំតាំងក្រាំង ស្រុកបាធាយ ខេត្តកំពង់ចាម។
៩-ឈ្មោះយ៉ន រដ្ឋ ភេទប្រុស អាយុ២១ឆ្នាំ ជាតិខ្មែរ នៅភូមិតាំងគោក ឃុំតាំងក្រាំង ស្រុកបាធាយ ខេត្តកំពង់ចាម។
១០-ឈ្មោះមុំ សុខបាន ភេទប្រុស អាយុ១៧ឆ្នាំ ជាតិខ្មែរ នៅភូមិតាំងគោក ឃុំតាំងក្រាំង ស្រុកបាធាយ ខេត្តកំពង់ចាម។
១១-ឈ្មោះម៉ន និមល ភេទប្រុស អាយុ២៥ឆ្នាំ ជាតិខ្មែរ នៅភូមិតាំងគោក ឃុំតាំងក្រាំង ស្រុកបាធាយ ខេត្តកំពង់ចាម។
១២-ឈ្មោះសម្បត្តិ កុសល ភេទប្រុស អាយុ២០ឆ្នាំ ជាតិខ្មែរ នៅភូមិអកទៀង ឃុំតាំងក្រាំង ស្រុកបាធាយ ខេត្តកំពង់ចាម។
១៣-ឈ្មោះសាន ឆៃណា ភេទប្រុស អាយុ១៨ឆ្នាំ ជាតិខ្មែរ នៅភូមិអកទៀង ឃុំតាំងក្រាំង ស្រុកបាធាយ ខេត្តកំពង់ចាម។
១៤-ឈ្មោះជា មករា ភេទប្រុស អាយុ១៦ឆ្នាំ ជាតិខ្មែរ នៅភូមិជើងឆ្នុក ឃុំតាំងក្រាំង ស្រុកបាធាយ ខេត្តកំពង់ចាម។
១៥-ឈ្មោះកយ វិច ភេទប្រុស អាយុ២០ឆ្នាំ ភូមិតាំងគោក ឃុំតាំងក្រាំង ស្រុកបាធាយ ខេត្តកំពង់ចាម។
១៦.ឈ្មោះ ម៉ាន ណាវី ភេទប្រុសអាយុ៤២ឆ្នាំជាតិចាមនៅភូមិអូរម្នីយំខេត្តក្រចេះ។
១៧.ឈ្មោះម៉ាន់ ធឿនភេទប្រុស អាយុ២៥ឆ្នាំជាតិខ្មែរនៅភូមិពោនឃុំទួលសំបួរ ស្រុកស្ទឹងត្រង់ខេត្តកំពង់ចាម។
លោក ជីវ សេងរស់ បញ្ជាក់ថា ក្រោយពីឃាត់ខ្លួនពួកគេ កម្លាំងបានដកហូតវត្ថុតាង ថ្នាំញៀនចំនួន១៧កញ្ចប់(ធំ០១កញ្ចប់) ទូរស័ព្ទ ចំនួន០៥គ្រឿង ម៉ូតូ០៧គ្រឿង ជញ្ជីងអេឡិចត្រូនិច០១ ដាវចំនួន០១ដើម និងឧបករណ៍សេពមួយចំនួន នឹងត្រៀមបញ្ជូនទៅកាន់តុលាការចាត់ការតាមច្បាប់ ៕ ដោយ ៖ វណ្ណៈ
