ខេត្តកណ្តាល៖ ផ្ទះឈើមួយ ខ្នងមានទំហ៊ំ៦ម៉ែត្រ គុណ៩ម៉ែត្រ ត្រូវភ្លើងឆេះអស់ទាំងស្រុងកាលពីវេលាម៉ោង១២និង៤០នាទីថ្ងៃត្រង់ ថ្ងៃទី២៩ ខែធ្នូ ឆ្នាំ២០១៥ នៅក្នុងភូមិតារាបដូនស ឃុំគគីរ ស្រុកកៀនស្វាយ ខេត្តកណ្តាល ។
ម្ចាស់ផ្ទះរងគ្រោះមាន ឈ្មោអ៊ុច ផៃ ភេទប្រុស អាយុ៦២ឆ្នាំ ប្រពន្ធឈ្មោះ គង់ គឹមហេង អាយុ៥៥កូន៨នាក់ ក្រុមគ្រួសារនេះមានប័ណ្ណក្រីក្រប្រភេទលេខ៣ ។
លោកស ចាន់ថន មេភូមិ តារាបដូនស បានអោយដឹង ថា តាមការបំភ្លឺរបស់ក្រុមគ្រួ សារ មុនពេលកើតហេតុម្ចាស់ ផ្ទះបានវេចនំនៅក្រោមផ្ទះសម្រាប់លក់នៅផ្សាដើម្បីទ្រទ្រង់ជីវភាព ។ ស្រាបតែទុស្សេខ្សែ នៅផ្ទះខាងលើឆេះជាអណ្តាតភ្លើងឡើងសន្ធោរសន្ធៅទើបម្ចាស់ផ្ទះដឹងហើយស្រែកឆោឡោគ្រានោះអ្នកភូមិរាប់រយអ្នកបាននាំគ្នាជួយអន្តរាគមន៍ អ្នកខ្លះ ដងទឹកជះ អ្នកខ្លះទៀត ទាញ ទុយោបូមទឹកបាញ់ពន្លត់ តែមិនអាចទប់ស្កាត់បានឡើយដោយសារភ្លើងឆេះពេញអំណាច ទីបំផុតផ្ទះឈើ១ខ្នង ដែលជាជម្រករបស់ក្រុមគ្រួសារមានជីវភាពក្រីក្រត្រូវភ្លើងឆេះអស់ទាំងស្រុង ប៉ុន្តែមិន ឆេះរាលដាលដល់ផ្ទះអ្នកជិតខាងនោះទេ ។
លោកវេង កុសល នាយប៉ុស្តិ៍នគរបាលរដ្ឋបាលគគីរ បានអោយ តាមការត្រួតពិនិត្យ ក្រោយពេលកើតហេតុ សម្ភារៈក្នុងផ្ទះរួមមានម៉ូតូ១គ្រឿង កង់១១គ្រឿង គ្រែ ដេក៣ ទូរទស្សន៍១ រួមនិង សម្លៀកបំពាក់ជាច្រើនទៀតត្រូវភ្លើងឆេះអស់ទាំងស្រុង ដោយឡែកសមាជិកក្នុងផ្ទះមិនមានគ្រោះថ្នាក់ឡើយ ហើយករណីអគ្គីភ័យនេះបង្កឡើងដោយសារទុស្សេខ្សែបណ្តាញចរន្តអគ្គិសនីដែលម្ចាស់តចូលផ្ទះ ៕
ដោយ៖ សណ្តោស
