ភ្នំពេញ៖ ជនសង្ស័យ២នាក់ជិះម៉ូតូ១គ្រឿងម៉ាកហុងដាc125 មិនចាំស្លាក់លេខបានជិះមកឈប់ក្បែរនិងរថយន្តឡិចស៊ីស 470 របស់តារាសម្ដែងអ្នកនាង កែវ ពេជ្រពិសី ហើយបានបើកទ្វាររថយន្ដលូកយកកាបូបលុយនិងទូរស័ព្ទដៃ២គ្រឿងម៉ាកiphone6និងiphone5យកទៅបាត់ដោយសុវត្ថិភាព។
បង្កការភ្ញាក់ផ្អើលកាលពីវេលាម៉ោង៥ និង២០នាទីល្ងាចថ្ងៃទី២៨ ខែធ្នូ ២០១៥ នៅមុខចំណុចហាងលក់ផ្កា តាមបណ្តោយផ្លូវ៣៦០កែង១៦៣ សង្កាត់បឹងកេងកងទី៣ ខណ្ឌចំការមន រាជធានីភ្នំពេញ ។
បើតាមប្រភពពត៍មានពីជនរងគ្រោះបានឱ្យដឹងថា នៅមុនពេលកើតហេតុ តារាសម្ដែងអ្នកនាង កែវ ពេជ្រពិសី បានរថយន្តឡិចស៊ីស 470មួយគ្រឿង ចតនៅចំណុចកើតហេតុខាងលើក៏ឈប់ទិញផ្កាដោយឱ្យឈ្នួល២នាក់ដែលមកជាមួយនិង តារាសម្ដែងអ្នកនាង កែវ ពេជ្រពិសី មួយស្ទុះក្រោយក៏មានជនសង្ស័យ២នាក់ជិះម៉ូតូ១គ្រឿងម៉ាកហុងដាc125 មិនចាំស្លាក់លេខ បានជិះមកឈប់ក្បែរនិងរថយន្តឡិចស៊ីស 470 របស់តារាសម្ដែងអ្នកនាង កែវ ពេជ្រពិសី ហើយបានបើកទ្វាររថយន្ដលូកយកកាបូបលុយ និងទូរស័ព្ទដៃ២គ្រឿងម៉ាក iphone6 និងiphone5យកទៅបាត់ដោយសុវត្ថិភាព។
ក្រោយកើតហេតុតារាសម្ដែងអ្នកនាង កែវ ពេជ្រពិសី បានត្រឹមតែទៅដាក់ពាក្យបណ្ដឹងនៅប៉ុស្តិ៍នគរបាលរដ្ឋាបាលបឹងកេងកងទី៣ តែប៉ុណ្ដោះ៕
ដោយ៖ ស រស្មី
