សប្ដាហ៍​នេះ​ សម្តេច​តេជោ​ ហ៊ុន​ សែន​ អាចវាយកូនហ្គោលបានវិញហេីយ

ចែករំលែក៖

ភ្នំពេញ​ ៖​ បន្ទាប់ពីខកខានអស់រយៈពេលប៉ុន្មានសប្តាហ៍កន្លងទៅ​ នៅព្រឹកថ្ងៃ​អាទិត្យ​នេះ​ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា​ បានហាត់​ ប្រាណ​ជាមួយកីឡាវាយកូនហ្គោល​ ហេីយត្រូវចំណាយពេលនៅលេីទីលាន​ ប្រមាណជា៣ម៉ោង​ ។

សម្តេចតេជោ ហ៊ុន សែន បានបញ្ជាក់​នៅលើបណ្តាញសង្គម Facebook របស់សម្តេចយ៉ាងដូច្នេះថា៖​ «នេះជាថ្ងៃទីមួយនៃការវាយកូនគោល​ សាជា​ថ្មីបន្ទាប់ពីរយៈពេលបីខែដែលមិនបាន​ វាយដោយសារគ្រេចស្មា។​ ពេលនេះកំពុងតាមដានខ្លួនឯង​ តើវាយបានល្អឫទេជាមួយសំភារៈសម្រាប់វាយប្រភេទថ្មី» ។

សម្តេចតេជោ​បានជូនពរបងប្អូនជនរួម​ ជាតិជួបតែសេចក្តី​សុខសេចក្តីចំរើន។

សូុមបញ្ជាក់ថា​ ប៉ុន្មានថ្ងៃ​នេះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានដឹកនាំគណៈប្រតិភូជាន់ខ្ពស់អញ្ជើញទៅបំពេញទស្សនកិច្ចផ្លូវការ នៅសាធារណរដ្ឋសង្គមនិយមវៀតណាម រយៈពេល២ថ្ងៃ ចាប់ពីព្រឹកថ្ងៃទី០៤ ដល់ល្ងាចថ្ងៃទី០៥ ខែតុលា ឆ្នាំ២០១៩ តបតាមការអញ្ជើញរបស់ លោក ង្វៀន សួនហ្វ៊ុក (Nguyen Xuan Phuc) នាយករដ្ឋមន្ត្រីវៀតណាម។

នៅក្នុងពេលបំពេញទស្សនកិច្ចនេះ កិច្ចព្រមព្រៀងជាច្រើនរបស់កម្ពុជា-វៀតណាម ត្រូវបានចុះហត្ថលេខាជាបន្តបន្ទាប់ ដោយក្នុងនោះក៏មានកិច្ចព្រមព្រៀងពាក់ព័ន្ធនឹងការទទួលស្គាល់ការបោះបង្គោលព្រំដែនប្រទេសទាំងពីរផងដែរ​ ៕

...


ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print