ខេត្ដព្រះសីហនុ៖ យុវជនម្នាក់ក្នុង ចំណោមបក្ខពួក២នាក់ត្រូវ*បានសមត្ថ កិច្ចចាប់ខ្លួនខណៈដែលពួកគេព្យាយាម លូកកាបូបនារីម្នាក់លួចយកទូរស័ព្ទ ទំនើបម៉ាក អាយហ្វូនស៊ិចផ្លាស់ ។ ការ ចាប់ខ្លួនយុវជនខាងលើនេះបានធ្វើឡើងកាលពីវេលាម៉ោង៩និង៣០នាទីព្រឹកថ្ងៃទី៣០ ខែធ្នូ ឆ្នាំ២០១៥ ក្នុងបរិវេណផ្សារ លើ ស្ថិតក្នុងក្រុម២ ភូមិ២ សង្កាត់លេខ ៤ ក្រុង-ខេត្ដព្រះសីហនុ ។
សមត្ថកិច្ចបានឱ្យដឹងថា ជនសង្ស័យ ដែលត្រូវបានចាប់ខ្លួនឈ្មោះ នួន ណយ អាយុ១៥ឆ្នាំ ជាសិស្ស មានទីលំនៅក្នុង រាជធានីភ្នំពេញ ។ រីឯបក្ខពួកជនសង្ស័យ ម្នាក់ទៀតដែលរត់គេចខ្លួនឈ្មោះ ង៉ែត ភេទប្រុស អាយុ១៥ឆ្នាំ ជាសិស្ស រស់នៅ ភ្នំពេញដូចគ្នា ។
ប្រភពបានបន្ដថា ទូរស័ព្ទដែលជន សង្ស័យលួចមិនបានសម្រេចជាកម្មសិទ្ធិ របស់ឈ្មោះ សៀក ស្រីតូច ភេទស្រី អាយុ២៧ឆ្នាំ មុខរបរលក់ដូរ មានទីលំ នៅបច្ចុប្បន្ននៅក្នុងបុរីពីភពថ្មី ស្ថិតក្នុង សង្កាត់ភ្នំពេញថ្មី ខណ្ឌសែនសុខ រាជធានី ភ្នំពេញ ។ ទូរស័ព្ទដែលជនសង្ស័យលួច មិនបានសម្រេច ហើយត្រូវបានដកហូត ពីជនសង្ស័យប្រគល់ឱ្យម្ចាស់វិញនោះ ម៉ាកអាយហ្វូនស៊ិចផ្លាស់ ពណ៌ទឹកមាស។
សមត្ថកិច្ចបានបញ្ជាក់ថា ជនសង្ស័យ ខាងលើនេះបានលួចលូកកាបូបម្ចាស់ទូរ ស័ព្ទខណៈដែលម្ចាស់ទូរស័ព្ទកំពុងដើរ ចូលក្នុងផ្សារលើ រកទិញអីវ៉ាន់ ហើយ ពេលនោះសមត្ថកិច្ចដែលយាមប្រចាំ ការជាមួយនឹងសន្ដិសុខផ្សារឃើញក៏ដេញ ចាប់បានភ្លាមៗតែម្ដង ។ ចំណែកបក្ខ ពួកជនសង្ស័យម្នាក់ទៀតបានជិះម៉ូតូគេច ខ្លួនបាត់តែម្ដង ៕ ឆ្លាមសមុទ្រ
– See more at: http://beta.nokorwatnews.com/?p=69291#sthash.qET9zDCQ.dpuf
