ភ្នំពេញ ៖ ក្រសួងធនធានទឹក និងឧតុនិយម នៅថ្ងៃទី១១ ខែតុលា ឆ្នាំ២០១៩ បានចេញសេចក្តីជូនដំណឹងបន្ទាប់ពីបានតាមដានអាកាសធាតុជាប្រចាំក្នុងតំបន់ និងដោយឡែកសម្រាប់កម្ពុជា ហេីយបានបង្ហាញឲ្យឃើញថា កម្រិតសម្ពាធទាបនៅបន្តគ្របដណ្តប់លើកម្ពុជា ជាមួយនិងខ្យល់បក់មកពីសមុទ្រចិនខាងត្បូង ដែលនឹងអាចមានភ្លៀងធ្លាក់ពីតិចទៅបង្គរ ដោយក្នុងនោះ ក៏អាចមានផ្នែកខ្លះមានភ្លៀងច្រើនដោយអន្លើ ។
សេចក្តីជូនដំណឹងក្រសួងធនធានទឹក និងឧតុនិយមបានបញ្ជាក់ទៀតថា ចាប់ពីថ្ងៃទី ១២ ដល់ថ្ងៃទី១៨ ខែតុលា ឆ្នាំ២០១៩នឹងធ្ចេីអោយអាកាសធាតុមានលក្ខណៈដូចខាងក្រោមនេះ ៖
១- នៅថ្ងៃ ១២-១៥ ខែតុលា ៖ នៅតំបន់វាលទំនាបកណ្តាល នឹងអាចមានរៀងពីតិចទៅមធ្យម និងបន្ទាប់ មកចាប់ពីថ្ងៃទី ១៦-១៨ ខែតុលា នឹងអាចមានភ្លៀងធ្លាក់ពីតិចទៅបង្គរ ដោយក្នុងនោះ ក៏អាចមានផ្នែកខ្លះមានរឿងច្រើនដោយអន្លើ ។
២- តំបន់ខ្ពង់រាបនឹងអាចមានរឿងពីតិចទៅមធ្យម ។
៣-តំបន់មាត់សមុទ្រនឹងអាចមានភ្លៀងពីតិចទៅបង្គរ ។
ក្រុមការងារព្យាករក្រសួងធនធានទឹក នៅតែក្រេីនរំលឹកដល់សាធារណជនបន្តមានការប្រុងប្រយ័ត្នចំពោះបាតុភូតផ្គរ រន្ទះ និងខ្យល់កន្ត្រាក់ដែលអាចបន្តកើតមាន ជាពិសេសបណ្តាខេត្តនៅតំបន់វាលទំនាប ៕
