ភ្នំពេញ: រថយន្តកុងតឺន័រមួយគ្រឿងមិនចាំស្លាកលេខបុកម៉ូតូពីក្រោយកិនយុវជនប្រុសស្រី ពីរនាក់បែកសពជាពីរស្លាប់យ៉ាងអាណោចអាធ័ម ខណៈអ្នកបើកបររថយន្តបង្កហេតុរត់គេចខ្លួនបាត់ស្រមោល ។

ហេតុការណ៍នេះកើតឡើងកាលពីវេលាម៉ោង ៧ និង ២០ នាទីយប់ថ្ងៃទី ២០ខែតុលាឆ្នាំ ២០១៩ ស្ថិតនៅតាមបណ្ដោយផ្លូវចោមចៅនៅចំណុច ខាងលិចស្តុបទួលពង្រជាង៥០ ម៉ែត្រក្នុងភូមិចោមចៅ៣ ក្នុងសង្កាត់ចោម ចៅ១ ខណ្ឌពោធិ៍សែនជ័យ រាជធានីភ្នំពេញ ។

សពជនរងគ្រោះទី១ មានឈ្មោះម៉ាន់ គឹងហេង ភេទប្រុសអាយុ២១ ឆ្នាំ  មុខរបរសន្តិសុខ មានស្រុកកំណើត ភូមិបាក់ព្រី ឃុំបឹងដោល ស្រុកព្រះស្ដេចខេត្តព្រៃវែង (ស្លាប់អ្នកបើកម៉ូតូ)។សពជនរងគ្រោះទី ២ មានឈ្មោះ ខេង លក្ខិណា ភេទស្រីអាយុ ១៩ ឆ្នាំ មានស្រុកកំណើតផ្ទះលេខ ២៤៤ ផ្លូវលំ សាមគ្គី ឃុំស្វាយភ្លោះ ស្រុកពាមជរខេត្តព្រៃវែង(ស្លាប់អង្គុយនៅពីក្រោយ)។

តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញរថយន្តកុងតឺន័រមួយគ្រឿងមិនចាំស្លាកលេខបើកបរទិសដៅពីកើតទៅលិចខណះមកដល់ចំណុចកើតហេតុខាងលើបានជ្រុលចង្កូតទៅបុកម៉ូតូមួយគ្រឿងម៉ាកហុងដាប៊ីតពណ៌សពាក់ស្លាកលេខភ្នំពេញ1HO-5624 ជិះដោយយុវជនប្រុសស្រី២ នាក់ធ្លាប់ទិសដៅគ្នានៅខាងមុខពីក្រោយបណ្ដាលឲ្យដួលទៅនឹងថ្នល់រថយន្តកិនពីលើបែកសាកសពស្លាប់ទាំងពីរនាក់យ៉ាងអាណោចអាធ័មនៅនឹងកន្លែងកើតហេតុ។ចំណែករថយន្តបង្កឃើញសភាពមិនស្រួលបើករត់ចេញពីកន្លែងកើលហេតុតែប្រជាពលរដ្ឋនាំគ្នាជួយដេញតាមពីក្រោយដោយដេញមិនទាន់ធ្វើឲ្យរថយន្តបង្ក​បើករត់ខ្លួនដោយសុវត្តិភាព ។

ក្រោយកើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយកម៉ូតូទៅរក្សាទុកបណ្ដោះអាសន្នរងចាំប្រគល់ទុកជូនសាច់ញាតិវិញ។ដោយឡែកសពយុវជនប្រុសស្រីទាំង ពីរ នាក់សមត្ថកិច្ចធ្វើកំណត់ហេតុរួចប្រគល់ជូនសាច់ញាតិយកទៅធ្វើបុណ្យនៅឯស្រុកកំណើតតាមប្រពៃណី ៕ សុខាសែនជ័យ​