ពស់ថ្លាន់ចំនួន​២៧​ក្បាល​ត្រូវបាន​កម្លាំង​អន្តរាគមន៍​ចម្រុះ​ឧទ្យាន​នុ​រក្ស​លែង​ចូល​បឹង​ធម្មជាតិ​

ចែករំលែក៖

ខេត្តកំពង់ឆ្នាំង​៖ ​សត្វ​ពស់ថ្លាន់​ ចំនួន​២៧​ក្បាល​ដែលគេចាត់ទុកថាជា​សត្វ​ដ៏​កម្រ​និង​ជិត​ផុត​ពូជ​ត្រូវបាន​កម្លាំង​អន្តរាគមន៍​ចម្រុះ​ឧទ្យាន​នុ​រក្ស​សហការ​ជាមួយ​រដ្ឋបាល​ព្រៃឈើ​ និង​កងរាជអាវុធហត្ថ​លើ​ផ្ទៃ​ប្រទេស​បាន​លែង​ចូល​បឹង​ធម្មជាតិ​ដើម្បី​អភិរក្ស​ឡើងវិញ កាលពី​ល្ងាច​ថ្ងៃទី​៧​វិច្ឆិកា ឆ្នាំ​២០១៩​នៅ​តំបន់​អភិរក្ស​ជីវចម្រុះ​ចំណុច​ភូមិ​ស្លត​ឃុំ​ផ្លូវ​ទូក​ស្រុក​កំពង់លែង​ខេត្តកំពង់ឆ្នាំង ។​
​មន្រ្តីរដ្ឋបាល​ព្រៃឈើ​ បានឲ្យដឹងថាសត្វ​ពស់ថ្លាន់​ទាំង​២៧​ក្បាល​នេះ​កម្លាំងចម្រុះ​បាន​ប្រមូល​ពី​រាជធានីភ្នំពេញ​និង​តាម​បណ្តា​ហាង​ផ្សេងៗ​យកទៅ​លែង​នៅ​ភ្នំ​តា​ម៉ៅ ​ហើយដោយមានចំនួន​ច្រើន​ទើប​គេ​យកមក​លែង​នៅក្នុង​តំបន់​ជីវចម្រុះ​ចំណុច​ខាងលើ​ដើម្បី​អភិរក្សខ្លះ ។​ ​​ការដោះលែង​សត្វ​ពស់ថ្លាន់​នេះ​ត្រូវបាន​បាន​ក្រុមចម្រុះ​និង​មន្ត្រី​បរិស្ថាន​ប្រចាំការ​នៅ​ឆ្នុកទ្រូ​ស្រុក​បរិបូ​ណ៍​ខេត្តកំពង់ឆ្នាំង​បាន​ដោះលែង​ចូលទៅក្នុង​បឹង​និង​ព្រៃ​ធម្មជាតិ​កាលពី​ល្ងាច​ថ្ងៃទី​៧​វិច្ឆិកា​២៩១៩​នៅ​តំបន់​អភិរក្ស​ជីវចម្រុះ​ចំណុច​ភូមិ​ស្លត​ឃុំ​ផ្លូវ​ទូក​ស្រុក​កំពង់លែង​ខេត្តកំពង់ឆ្នាំង ។​
​ ​ក្រុមចម្រុះ​និង​មន្ត្រី​បរិស្ថាន​ បានធ្វើការ​អំពាវនាវ​ដ​ល់បង​ប្អូន​ប្រជាពលរដ្ឋ​កុំ​កាប់បំផ្លាញ​ព្រៃ​លិច​ទឹក​ដែលជា​ជម្រក​សត្វព្រៃ​គ្រប់​ប្រភេទនិងសូម​កុំ​ចាប់​សត្វ​ដ៏​កម្រ​នេះ​ ៕

...

ដោយ៖ ចាន់ថា

ចែករំលែក៖
ពាណិជ្ជកម្ម៖ ads2 ads3 ambel-meas ads5 ads6 scanpeople ads7 fk Print