ក្នុងពេលដែលកំពុងរងការដាក់ទណ្ឌកម្មលើវិស័យប្រេង នៅពេលនេះអ៊ីរ៉ង់បានប្រកាសធ្វើឲ្យអាមេរិក«ស្រក់ទឹកមាត់ទៀតហើយ» ដោយប្រកាសរកឃើញអណ្តូងប្រេង ដ៏ធំលំដាប់ ពិភពលោក ។
ប្រធានាធិបតីអ៊ីរ៉ង់ លោក ហាសសាន រ៉ូហានី បានប្រកាសថា ក្រុមអ្នករ៉ុករកប្រេងអ៊ីរ៉ង់បានរកឃើញអណ្តូងប្រេង ដ៏ធំដែលមានខួងយកប្រេងបានរហូតដល់ទៅ៥៣ពាន់លានបារ៉ែល។ សកម្មភាពខាងលើ ជួយឲ្យអ៊ីរ៉ង់បង្កើនថាមពលប្រេងបន្ថែមដល់ទៅ៣៤ភាគរយ។
នៅក្នុងសេចក្តីប្រកាស តាមកញ្ជក់ទូរទស្សន៍ជាតិ ប្រធានាធិបតី អ៊ីរ៉ង់ លោក រ៉ូហានី បានប្រកាសថា អណ្តូងប្រេងថ្មី មានទំហុំ ដល់ទៅ ២.៤០០ គីឡូម៉ែត្រ ក្រឡា ជម្រៅ៨០ ម៉ែត្រស្ថិតនៅក្នុងខេត្ត Khuzestan ភាគខាងលិច ភាគនិរតី នៃប្រទេសអ៊ីរ៉ង់។ លោករ៉ូហានីបញ្ជាក់ថា នោះជាកាដូថ្មីសម្រាប់ពលរដ្ឋអ៊ីរ៉ង់ ។
ជាមួយនឹងចំនួនប្រេងដល់ទៅ៥៣ ពាន់លានបារ៉ែល ជួយឲ្យអ៊ីរ៉ង់បង្កើនចំណយនប្រេងបន្ថែម៣៤ភាគរយ។ តាមក្រុមអ្នកឯកទេសអ៊ីរ៉ងមានអណ្តូងប្រេង សរុប ១៥៦ពាន់លានបារ៉ែល ក្នុងនោះមានទាំងអណ្តូងប្រេង មានចំនួន៦៥ពាន់លានបារ៉ែលនៅខេត្ត Ahvaz ។
ការរកឃើញអណ្តូងប្រេងដ័ធំខាងលើ ក្នុងពេលដែលអ៊ីរ៉ង់ប្រឈម ការដាក់ទណ្ឌកម្ម ពីអាមេរិក ទៅលើវិស័យដឹកជញ្ជូនប្រេង ដោយអាមេរិកបានហាមប្រាមបណ្តាប្រទេស ទិញប្រេងពីអ៊ីរ៉ង់ បើមិនដូច្នោះទេនឹងរងការដាក់ទណ្ឌកម្មពីអាមេរិកជាមិនខាន។
ក្រុមអ្នកឯកទេសវិភាគបានលើកឡើងថា កន្លងមកអាមេរិកបានធ្វើសង្គ្រាម នៅក្នុងប្រទេសអាហ្វហ្គានីស្ថាន អ៊ីរ៉ាក់ ស៊ីរី ជាប្រទេសដែលសម្បូរប្រេង ហើយពេលនេះអាមេរិក ក៏បានខួងយកប្រេងពីស៊ីរីទៅលក់ អាច រកចំណូលឲ្យទាហានអាមេរិក ប្រមាណ៣០ លានដុល្លារក្នុងមួយខែ។ ជាមួយនិងការរកឃើញអណ្តូងប្រេងដ៏ធំជាបន្តទៀតនោះ អ៊ីរ៉ង់ នឹងប្រឈមបញ្ហាជាមួយអាមេរិក កាន់តែខ្លាំង ។ មនុស្សមួយចំនួនបានលើកឡើងថា អាមេរិក កំពុងតែ ស្រក់ទឹកមាត់ ចំពោះអណ្តូងប្រេងរបស់អ៊ីរ៉ង់ ៕
