ភ្នំពេញ ៖ យ៉ាងហោចណាស់ក៏មានមនុស្សប្រុសស្រីចំនួន៤នាក់ បានរងរបួសធ្ងន់ស្រាលត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗខណះពួកគេជិះម៉ូតូពីរគ្រឿងបុកគ្នាពេញទំហឹង ។
ហេតុការណ៍នេះបានកេីតឡេីងកាលពីវេលាម៉ោង១រសៀលថ្ងៃទី២១ខែវិច្ចិកាឆ្នាំ២០១៩ នៅមុខវត្តអង្គត្រគៀត តាមបណ្តោយផ្លូវជាតិលេខ៣ ភូមិកប់គង សង្កាត់ចោមចៅទី២ ខណ្ឌពោធិ៍សែនជ័យ ។
តាមសាក្សីនៅកន្លែងកេីតហេតុបានឲ្យដឹងថា មុនពេលកេីតហេតុគេឃេីញបុរសម្នាក់ជិះម៉ូតូហុងដាឌ្រីម សង់ ពណ៍ខ្មៅពាក់ស្លាកលេខតាកែវ1O 7653 ធ្វេីដំណេីរតាមបណ្តោយផ្លូវជាតិលេខ៣ ក្នុងទិសដៅពីត្បូងទៅជេីង ខណះមកដល់ចំណុចកេីតហេតុស្រាប់តែមានម៉ូតូម៉ាកzoomerx ពណ៍ខ្មៅលាយក្រហម ពាក់ស្លាកលេខកណ្តាល1U 1159 បេីបរដោយបុរសម្នាក់រួមដំណេីរជាមួយប្រុសស្រី២នាក់ទៀតធ្វេីដំណេីរបញ្ច្រាស់ទិសគ្នាហេីយបានបុកគ្នាចំពីមុខពេញទំហឹងបណ្តាលឲ្យនារីម្នាក់របួសបាក់ជេីងម្ខាងនិងបុរសពីរនាក់ទៀតរបួសធ្ងន់ដោយឡែកអ្នកជិះម៉ូតូសង់របួសស្រាល។
ក្រោយកេីតហេតុជនរងគ្រោះត្រូវបានបញ្ជូនទៅសង្គ្រោះភ្លាមចំណែកម៉ូតូទាំងពីរត្រូវបានសមត្ថកិច្ចធ្វេីការវាស់វែងយកទៅរក្សាទុកនៅអធិការដ្ឋាននគរបាលខណ្ឌពោធិ៍សែនជ័យរងចាំដោះស្រាយតាមច្បាប់៕ សុខាសែនជ័យ
