មេដឹកនាំកូរ៉េខាងជើងលោក គីម ជុង អ៊ុន កាលពីថ្ងៃទី១ ខែមករា ឆ្នាំ២០១៦ បានប្រកាសថា កូរ៉េខាងជើងបានត្រៀម លក្ខណៈសម្រាប់ទប់ស្កាត់ការប៉ុនប៉ងវាយ ប្រហារឈ្លានពានពីបរទេស ។
នៅក្នុងសារឆ្នាំថ្មីរបស់លោក គីម ជុងអ៊ុន មិនបានលើកឡើងអំពីកម្មវិធី បរមាណូ និងកាំជ្រួចមីស៊ីលដូចរាល់ឆ្នាំ នោះឡើយ។ ចំណុចទាំងនោះហើយបាន ជាសារព័ត៌មានបរទេសផ្សាយថា សកម្ម ភាពរបស់លោក គីម ជុងអ៊ុន គឺបង្កើន ឥទ្ធិពលនៅក្នុងចិត្ដប្រជាពលរដ្ឋតែប៉ុណ្ណោះ ទាំងនោះលោក គីម ជុងអ៊ុន តែងតែ គំរាមអាមេរិក និងកូរ៉េខាងត្បូង ។
នៅក្នុងសារឆ្នាំថ្មីលោក គីម ជុងអ៊ុន កន្លងមកបានលើកឡើងពីកម្មវិធីបរមាណូ និងកាំជ្រួចមីស៊ីលរបស់ខ្លួន ប៉ុន្ដែ លើកនេះលោកមិនបានលើកឡើងនោះ ឡើយ ទាំងនោះបានបង្ហាញយ៉ាងច្បាស់ ថា លោកមិនចង់ប្រឈមមុខជាមួយ ប្រទេសមហាអំណាចនោះឡើយ ព្រោះ អាចធ្វើឱ្យពលរដ្ឋរបស់លោកជួបផល លំបាកកាន់តែខ្លាំងប៉ុណ្ណោះ ។
លោក គីម ជុងអ៊ុន បញ្ជាក់ថា “លោក បន្ដអត់ធ្មត់ដើម្បីឈានដល់កិច្ចព្រមព្រៀង សន្ដិភាពនៅឧបទ្វីបកូរ៉េ ប៉ុន្ដែបើអ្នក ណាមានបំណងចង់ឈ្លានពាននោះកូរ៉េខាង ជើងមិនលើកលែងឡើយគឺតស៊ូដល់ទី បញ្ចប់ ។
បើទោះបីបែបនេះក្ដីលោក គីម ជុង អ៊ុន បានថ្កោលទោសយ៉ាងខ្លាំងដល់អា មេរិក និងកូរ៉េខាងត្បូង ជាអ្នកបង្កឱ្យមាន សភាពការណ៍តានតឹងនៅក្នុងតំបន់ ។
កូរ៉េខាងជើងក៏ជាប្រទេសបរមាណូ មួយនៅក្នុងតំបន់ ដោយកូរ៉េខាងជើង មានកម្មវិធីបរមាណូ និងមីស៊ីល ដែលធ្វើ ឱ្យប្រទេសជិតខាងស្ងប់ស្ញែងខ្លាចរអា។ រយៈពេលកន្លងមកកូរ៉េខាងជើងបានសាក ល្បងបរមាណូរហូតដល់ទៅ៣លើកមក ហើយនៅពេលនេះកូរ៉េខាងជើងត្រូវបានគេ សង្ស័យថា កំពុងតែត្រៀមលក្ខណៈសាក ល្បងជាលើកទី៤ក្នុងពេលដ៏ខ្លីខាងមុខ ។
កូរ៉េខាងជើងបានប្ដេជ្ញាមិនបោះបង់ កម្មវិធីបរមាណូរបស់ខ្លួននោះឡើយ ដោយ ហេតុផលតែមួយគត់គឺឧបទ្វីបកូរ៉េមិនទាន់ មានសន្ដិភាពនៅឡើយទេ គឺស្ថិតក្នុង សង្គ្រាមជានិច្ច ហើយសន្ដិភាពនាពេល នេះគ្រាន់តែបណ្ដោះអាសន្នប៉ុណ្ណោះ អាច ផ្ទុះសង្គ្រាមគ្រប់ពេលវេលា ដោយសារ កូរ៉េទាំង២បានព្រមព្រៀងគ្នាដោយបទឈប់បាញ់បណ្ដោះអាសន្នប៉ុណ្ណោះ។ ទាំង នោះទើបកូរ៉េខាងជើងចាំបាច់បង្កើតការផលិតសព្វាវុធក៏ដូចជាបរមាណូរបស់ខ្លួន នោះ ។
នៅក្នុងពេលបច្ចុប្បន្ននេះមានប្រទេស ចំនួន៨ដែលត្រូវបានគេចាត់បញ្ចូលជាមហាអំណាចនុយក្លេអ៊ែរយ៉ាងពេញលេញ។ រួមមានសហរដ្ឋអាមេ រិក រុស្ស៊ី បារាំង អង់គ្លេស ចិន ឥណ្ឌា ប៉ាគីស្ថាន និងអ៊ីស្រា អែល។ អ៊ីស្រាអែលថ្វីដ្បិតតែមិនដែល បានបដិសេធឬសារភាពថា ខ្លួនមាន អាវុធនុយក្លេអ៊ែរ ប៉ុន្ដែត្រូវបានគេចាត់ ទុកថា ជាមហាអំណាចនុយក្លេអ៊ែរដែល មានក្បាលគ្រាប់នុយក្លេអ៊ែរប្រមាណជា៨០គ្រាប់។ ផ្ទុយពីអ៊ីស្រាអែល កូរ៉េខាង ជើងដែលតែងតែប្រកាសក្ដែងៗតាំងខ្លួនថា ជាមហាអំណាចនុយក្លេអ៊ែរនោះ រហូតមកទល់នឹងពេលនេះនៅមិនទាន់ មានអ្នកណាទទួលស្គាល់នៅឡើយ ។
ជាការពិតថា អ្នកជំនាញខាងអាវុធ នុយក្លេអ៊ែរជាទូទៅនាំគ្នាទទួលស្គាល់ថាកូរ៉េខាងជើងពិតជាមានសារធាតុភ្លុយ តូញ៉ូមគ្រប់គ្រាន់ដែលអាចផលិតក្បាល គ្រាប់នុយក្លេអ៊ែរបាន៦គ្រាប់ ឬច្រើន ជាងនេះ។ កាលពីពេលកន្លងមកកូរ៉េខាង ជើងក៏ធ្លាប់បានធ្វើការសាកល្បងអាវុធ នុយក្លេអ៊ែររបស់ខ្លួនចំនួន៣លើករួចមកហើយដែរ គឺនៅឆ្នាំ២០០៦ ឆ្នាំ២០០៩ និងឆ្នាំ២០១៣ ហើយអ្នកជំនាញជាច្រើន រួមទាំងសហរដ្ឋអាមេរិកផង សុទ្ធតែ ទទួលស្គាល់ថា ការសាកល្បងអាវុធនុយ ក្លេអ៊ែរទាំង៣លើកនេះបានទទួលជោគជ័យ ទោះជាមិនបាន១០០ភាគរយ ក៏បានជោគ ជ័យមួយចំណែកខ្លះដែរ។ ក៏ប៉ុន្ដែបើគ្រាន់ តែអាចផលិតក្បាលគ្រាប់នុយក្លេអ៊ែរបាន គឺមិនទាន់គ្រប់គ្រាន់អាចក្លាយជាមហា អំណាចនុយក្លេអ៊ែរបាននោះទេ។ គេចាត់ ទុកប្រទេសមួយថា ជាមហាអំណាចនុយ ក្លេអ៊ែរបានទាល់តែប្រទេសនោះមាន អាវុធនុយក្លេអ៊ែរដែលអាចប្រើប្រាស់ វាយប្រហារទៅលើប្រទេសដទៃបាន។
ចំពោះករណីកូរ៉េខាងជើងវិញថ្វីដ្បិត តែអាចផលិត និងសាកល្បងក្បាលគ្រាប់ នុយក្លេអ៊ែរបានជោគជ័យក៏ប៉ុន្ដែនៅមិនទាន់អាចមានសមត្ថភាពគ្រប់គ្រាន់ក្នុងការផលិតក្បាលគ្រាប់នុយក្លេអ៊ែរ ដែល មានទំហំតូច និងស្រាលល្មមអាចបំពាក់ លើមីស៊ីលដើម្បីបាញ់ប្រហារទៅលើគោល ដៅរបស់គូសត្រូវបាននៅឡើយនោះទេ។
ជាការកត់សម្គាល់ការសាកល្បងក្បាល គ្រាប់នុយក្លេអ៊ែររបស់កូរ៉េខាងជើងទាំង៣លើកកន្លងទៅនេះគឺជាការសាកល្បង ក្នុងរូបភាពជាការចុចបំផ្ទុះក្បាលគ្រាប់នុយ ក្លេអ៊ែរនៅក្រោមដី មិនមែនសាកល្បង ដោយបំពាក់ក្បាលគ្រាប់នុយក្លេអ៊ែរលើមីស៊ីលឬតាមរយៈការទម្លាក់គ្រាប់បែកនុយក្លេអ៊ែរពីលើយន្ដហោះនោះទេ ។
ជាការពិតនៅក្នុងការសាកល្បងឆ្នាំ ២០១៣ កូរ៉េខាងជើងបានអះអាងថា ក្បាល គ្រាប់នុយក្លេអ៊ែរដែលខ្លួនសាកល្បងនៅ ក្រោមដីនោះជាក្បាលគ្រាប់ដែលមាន ទំហំតូច និងស្រាលជាងមុន ហើយនៅ ក្នុងពេលក្រោយៗមកទៀតរបបកុម្មុយ និស្ដក្រុងព្យុងយ៉ាងតែងតែបន្ដអះអាងម្ដង ហើយម្ដងទៀតថា ខ្លួនពិតជាមានបច្ចេក វិទ្យាផលិតក្បាលគ្រាប់នុយក្លេអ៊ែរដែលអាចបំពាក់លើមីស៊ីលបាន។ ក៏ប៉ុន្ដែ មិនមានអ្នកណាជឿលើការអះអាងរបស់កូរ៉េខាងជើងនោះទេ។ គេមិនជឿដោយ សារតែហេតុផលដ៏សាមញ្ញបំផុតមួយគឺ នៅត្រង់ថា ប្រសិនបើកូរ៉េខាងជើងពិតជា អាចផលិតក្បាលគ្រាប់នុយក្លេអ៊ែរដែលមានទំហំតូចនិងទម្ងន់ស្រាល ដែលអាច បំពាក់លើមីស៊ីលបានពិតមែននោះកូរ៉េខាងជើងពិតជាបាញ់សាកល្បងអាវុធ នុយក្លេអ៊ែរដោយប្រើមីស៊ីល ពីព្រោះថា គោលដៅចម្បងបំផុតរបស់រដ្ឋាភិបាល ក្រុងព្យុងយ៉ាងគឺចង់បង្ហាញឱ្យពិភពលោក ទាំងមូលឃើញពីសមត្ថភាពនុយក្លេអ៊ែររបស់ខ្លួន។
ប្រការដែលកូរ៉េខាងជើងមិនទាន់អាច សាកល្បងអាវុធនុយក្លេអ៊ែរដោយប្រើមីស៊ីល អាចឱ្យគេសន្និដ្ឋានបានថា ឬមួយ កូរ៉េខាងជើងមិនទាន់អាចផលិតក្បាល គ្រាប់នុយក្លេអ៊ែរដែលមានទំហំតូចនិង ស្រាលល្មមដែលអាចបំពាក់លើមីស៊ីលបានឬមួយអាចផលិតក្បាលគ្រាប់នុយ ក្លេអ៊ែរបាន តែមិនទាន់មានបច្ចេកវិទ្យា គ្រប់គ្រាន់ក្នុងការផលិតមីស៊ីលបាលីស្ទិក។ បើទោះបីជាក្នុងករណីណាមួយក៏ដោយ សេចក្ដីសន្និដ្ឋានចុងក្រោយគឺកូរ៉េខាងជើង នៅមិនទាន់មានសមត្ថភាពអាចប្រើ អាវុធនុយក្លេអ៊ែរវាយប្រហារទៅលើគូសត្រូវបាននៅឡើយទេហើយដរាបណាកូរ៉េខាងជើងមិនទាន់មានសមត្ថភាពប្រើ អាវុធនុយក្លេអ៊ែរវាយប្រហារទៅលើគូសត្រូវបាន កូរ៉េខាងជើងនឹងមិនត្រូវគេ ចាត់ទុកថា ជាមហាអំណាចនុយក្លេអ៊ែរ បាននៅឡើយទេ បើទោះបីជាខ្លួនខិតខំ ប្រកាសអះអាងក្ដែងៗយ៉ាងណាក៏ដោយ ៕
ប្រែសម្រួល៖ ម៉ែវ សាធី
