បាក់សំណង់​ អគារសាលាឆាន់ក្នុងវត្តប្រាសាទគោកចក​ នៅខេត្ត​សៀមរាប​ ស្លាប់៣នាក់របួស១៣នាក់​ 

ចែករំលែក៖

ខេត្តសៀមរាប ៖​ អ្នកនាំរដ្ឋបាលខេត្តសៀមរាប គិតត្រឹមវេលាម៉ោង១៩៖០០នាទី ថ្ងៃទី២ ខែធ្នូ ឆ្នាំ២០១៩ កម្លាំងសង្គ្រោះបានរកជន​ រងគ្រោះដែលបានធ្លាក់កប់ក្នុងគំនរ​ សំណង់ចំនួន១៦អង្គ/នាក់ (ព្រះសង្ឃ​២អង្គ) ក្នុងនោះ ៖ រងរបួសធ្ងន់០៤នាក់ (ជាងសំណង់ ០៣នាក់ និងប្រជាការពារ ០១នាក់) , ស្លាប់ចំនួន ០៣នាក់ នៅពេលបញ្ជូនទៅដល់មន្ទីរពេទ្យ ,​រងរបួស​ស្រាល​ចំនួន០៩អង្គ/នាក់ (ព្រះសង្ឃ o២អង្គ ប្រជាការពារ ០១នាក់ និងជាងសំណង់០៦នាក់) កំពុងសម្រាកព្យាបាលនៅមន្ទីរពេទ្យបង្អែកខេត្ត ។

តាមការផ្ទៀងផ្ទាត់ជាមួយកម្លាំងរួមឃើញថា ជនរងគ្រោះត្រូវបានរកឃើញ និងសង្គ្រោះ គឺពុំមានជនរងគ្រោះនៅសេសសល់ឡើយ​ ។ យ៉ាងណា​ក្រុមការងារ​នៅតែធ្វើកិច្ចប្រតិបត្តិការដោយការ​ ប្រយ័ត្នប្រយែង ដោយ​ហេតុថាអាច​ មាននៅសល់ជនរងគ្រោះជាយថាហេតុ ។

ចំពោះឧបទ្ទវហេតុបាក់រលំអគារដែលកំពុងដំណើរការចាក់បេតុងសាងសង់សាលាធម្មសភា បានកើតឡើងម៉ោង​ ១៤៖១៥នាទីរសៀល ថ្ងៃទី០២ ខែធ្នូ ឆ្នាំ២០១៩ ។ សាលាធម្មសភាមានទំហំទទឹង៣០ម៉ែត្រ បណ្តោយ៤០ម៉ែត្រ និងកម្ពស់៨ម៉ែត្រ ស្ថិតនៅវត្តប្រាសាទ​ គោកចក ភូមិវាល សង្កាត់គោកចក ក្រុងសៀមរាប ខេត្តសៀមរាប ។

កម្លាំងចម្រុះដែលបានចូលរួមរុករកជនរងគ្រោះរួមមាន ៖ នគរបាល កងរាជ​អាវុធហត្ថ ប្រជាការពារ យោធា ព្រះ​សង្ឃ ប្រជាពលរដ្ឋ ។ ជាលទ្ធផលរុករកឃើញជនរងគ្រោះ​១៦នាក់ដែលកប់ក្រោមអគារបាក់រលំនេះ ៕​ ដោយ​ ៖​ជាយក្រុង​

...


ចែករំលែក៖
ពាណិជ្ជកម្ម៖ ads2 ads3 ambel-meas ads5 ads6 scanpeople ads7 fk Print