ប្រធានាធិបតីអាមេរិក​ភ្លាត់សម្តីនិយាយថា«អាមេរិកកំពុងតែហ្វឹកហាត់ដល់ក្រុមភេរវកម្ម IS

ចែករំលែក៖

នៅក្នុងការថ្លែងមួយរបស់ប្រធានាធិបតីអាមរិកនៅក្នុងមន្ទីរប៉ង់តាហ្គោលពីដំណើរការប្រឆាំង​ក្រុមអិស្លាមបង្កើតរដ្ឋ​IS លោកអូបាម៉ាបានភ្លាត់សម្តីនិយាយថា​«កំពុងតែហ្វឹកហាត់ក្រុមអិស្លាម​បង្កើតរដ្ឋ​IS »។
ប្រភពព័ត៌មានបានឲ្យដឹងថា ប្រធានាធិបតីអាមេរិកលោកបារ៉ាក់អូបាម៉ាបានជួបពិភាក្សាជា​មួយរដ្ឋមន្ត្រីការពារជាតិអាមេរិកលោក​Ashton Carter ពិភាក្សាពីសកម្មភាពប្រឆាំងក្រុមភេរ​វ​កម្ម​IS ដែលកំពុងតែគ្រប់គ្រងទឹកដីមួយផ្នែកធំនៅអីរ៉ាក់និងស៊ីរី។
មានប្រសាសន៍ទៅកាន់ក្រុមអ្នកសារព័ត៌មាន​ប្រធានាធិបតីអូបាម៉ាបញ្ចាក់ថា​អាមេរិកបន្ត​ហ្វឹក​ហ្វឺននិងជួយដល់កងកម្លាំងក្នុងស្រុកតស៊ូវាយប្រហារក្រុម​IS នៅលើដីគោក​​ដែលកន្លងមកមាន​ភាពយឺតយ៉ាវ។លោក​អូបាម៉ាបញ្ចាក់ថា​មិនអាចវាយប្រហារទៅលើក្រុមIS តែពីលើដែនអា​កាសនោះឡើយ ការយកឈ្នះបានអាស្រ័យទៅលើទាហានក្នុងស្រុកដែលទទួលបាន​ការហ្វឹកហាត់ពីកម្លាំងឯកទេសមកពីបរទេស។
លោកអូបាម៉ាបញ្ចាក់ដោយប្រើពាក្យកាត់មួយទៀតសំដៅទៅលើក្រុម IS ថា​«Ramadi មាន ប្រៀបធ្វើឲ្យកម្លាំងទាហានអីរ៉ាក់ធ្លាក់ក្នុងសភាពចលាចល់។ ដូច្នេះជាមួយនឹងជំហាន បន្ថែម ដែលបានស្នើរឡើងកាលពីខែមុន យើងបានបង្កើតសកម្មភាពហ្វឹកហាត់ដល់កម្លាំងទាហាន ISIL ក្នុងនោះមានទាំងក្រុមស្ម័គ្រចិត្តមកពីក្រុមសាន់នីនៅខេត្ត អែនបា»។
សេតវិមានក្រោយមកក៏បានផ្សព្វផ្សាយទាំងស្រុងនៅសន្តរកថាលោកអូបាម៉ា​ ដោយបន្ថែម​ពាក្យថា​«Iraqi»នៅក្នុងវង់ក្រចក ដោយមានបំណងរៀបរាប់ពី កម្លាំងទាហានអីរ៉ាក់ប្រឆាំងក្រុម IS ។ សារព័ត៌មានមួយចំនួនបានឡើងឡើងថា ការកែតម្រូវអាចធ្វើឲ្យអ្នកអានយល់ច្រឡំថា​លោកអូបាម៉ាទទួលស្កាល់ថា «កំពុងតែហ្វឹកហាត់ដល់ក្រុម ISIL នៅអីរ៉ាក់។
ការខិតខំរបស់អាមេរិកក្នុងការហ្វឹកហាត់ដល់កម្លាំងទាហាននៅអីរ៉ាក់និងស៊ីរីសម្រាប់ប្រឆាំងក្រុម​អិស្លាមបង្កើតរដ្ឋ​មិនបានសម្រេចដូចអ្វីដែលមន្ទីរបង់តាហ្គោលដាក់ចេញ។ តាមប្រសាសន៍​របស់រដ្ឋមន្ត្រីការពារជាតិអាមេរិកមកទល់ពេលនេះ​ អាមេរិកទើបតែហ្វឹកហាត់ទាហានអីរ៉ាក់​បានតែ​៩០០០នាក់ប៉ុណ្ណោះ ចំណែកគម្រោងមានដល់ទៅ​២៤ពាន់នាក់។ ដោយឡែកក្រុមទា​ហានស្មគ្រ័ចិត្តនៅស៊ីរីប្រមាណ​៧ពាន់ទើបតែទទួលបានហ្វឹកហាត់មិនដល់មួយភាគរយផង។
សកម្មភាពខាងលើរបស់អាមេរិកធ្វើឲ្យគេនឹងឃើញដល់អត្ថបទវិភាគមួយ ដែលមានចំណង​ជើងថា​«ក្រុម IS ជាកម្លាំងទាហានសម្ងាត់របស់អាមេរិកបានបង្កើតឡើង» ហើយសកម្មភាព​ខាងលើក៏ស្ងប់ទៅនឹងកម្លាំងទាហានអាមេរិក ចែកចាយសព្វាវុធនិងស្បៀងអាហារទៅឲ្យ ទា​ហានអីរ៉ាក់បែរជាច្រឡំទៅឲ្យក្រុម IS ទៅវិញ។ តើអាមេរិកអាចមានការច្រឡំបែបនោះឬក៏ជា​ចេតនា។
សារព័ត៌មាន Sputnik របស់រុស្ស៊ី បានដកស្រង់សម្ដី អ្នកប្រវត្ដិវិទូអាមេរិក ដែលបានចោទ​ប្រកាន់ថា ក្រុមអ៊ិស្លាមបង្កើតរដ្ឋ IS ថាជាកម្លាំងទាហាន ដែលរដ្ឋាភិបាលអាមេរិក បាន​បង្កើត​ឡើង ដោយសម្ងាត់ ដើម្បីអុកឡុកបង្ករអសន្ដិសុខនៅតំបន់មជ្ឈិមបូព៌ា ។
អ្នកស្រាវជ្រាវប្រវត្ដិសាស្ដ្រអាមេរិក លោក Webster Tarpley បានបញ្ជាក់ ថា មេដឹកនាំក្រុមIS លោក Abu Bakr al Baghdadi ជាបុគ្គលដែលមាន ទំនាក់ទំនងជិតស្និទ្ធបំផុតជាមួយសមា ជិក​ព្រឹទ្ធសភាអាមេរិក លោកចន មិក ខែន។
សាស្ដ្រាចារ្យ Webster Tarpley ជាអ្នកឯកទេសស្រាវជ្រាវពីប្រវត្ដិសាស្ដ្រ ធ្លាប់បង្កឱ្យមាន​វិវាទ​ក្នុងជួររដ្ឋាភិបាល អាមេរិក ក្រោយពេលដែលលោកចេញ ផ្សាយសៀវភៅស្រាវជ្រាវ​ស្ដីពីកា​រ​វាយ ប្រហារភេរវកម្ម១១ កញ្ញា ។ ខ្លឹមសារ នៅក្នុងសៀវភៅ ១១ កញ្ញា បានបញ្ជាក់ ច្បាស់ថា ក្រុមភេរវកម្មនៅទូទាំងពិភព លោកសុទ្ធសឹងតែបង្កើតឡើងដោយ រដ្ឋាភិបាលអាមេរិក ទទួល​បានការគាំទ្រ ពីអាមេរិកដោយសម្ងាត់ ។ នេះមិនមែន ជាលើកទីមួយឡើយដែលសាស្ដ្រាចារ្យ Webster Tarpley ចោទប្រកាន់រដ្ឋាភិ បាលទីក្រុងវ៉ាស៊ីនតោនជាប់ពាក់ព័ន្ធដល់ ការបង្កើតក្រុមអ៊ិាស្លាមបង្កើតរដ្ឋ ។
កន្លងមក បណ្ដាញទូរទស្សន៍ ប្រេស ធីវី របស់អ៊ីរ៉ង់ក៏បានធ្វើបទសម្ភាសន៍ជា មួយសាស្ដ្រា​ចារ្យ​Webster Tarpley ពីមូលហេតុដែលលោកចាត់ទុកថា រដ្ឋា ភិបាលអាមេរិកជាអ្នកបង្កើត និង​នៅ​ពី ក្រោយក្រុមអ៊ិដស្លាមបង្កើតរដ្ឋ ។ តាម ប្រសាសន៍របស់លោកWebster Tarpley ប្រ​ភពផ្គត់​ផ្គង់​ថវិកា និងសព្វា វុធដល់ក្រុមIS និងក្រុមភេរវកម្មនានា សម្រាប់ធ្វើសកម្មភាព គឺមកពីប្រទេស អារ៉ាប៊ីសាអ៊ូឌីតដែលជាសម្ពន្ធមិត្ដដ៏ជិត ស្និទ្ធបំផុតរបស់អាមេរិកនៅ​មជ្ឈិម​បូព៌ា។ លោកក៏បានចោទប្រកាន់អ្នកដែល ផ្ដល់ថវិកាដល់ក្រុមIS ជាព្រះអង្គម្ចាស់ Abdul Rahman al Faisal ជាមួយ នឹងព្រះអង្គម្ចាស់ Turki bin Faisal al Saud ធ្លាប់កាន់តំ​ណែងជា​ឯក​រាជទូត ប្រចាំនៅអាមេរិក ។ ដូច្នេះប្រសិនបើ អាមេរិកពិតជាចង់កម្ចាត់ក្រុមIS នោះ គ្រាន់តែ​ចេញបញ្ជាមួយម៉ាត់ឱ្យប្រទេស អារ៉ាប៊ីសាអ៊ូឌីតស្នើឱ្យបញ្ចប់ការផ្ដល់ ជំនួយសព្វាវុធ និងថវិកា ក្រុមIS នឹង បញ្ចប់ទៅដោយស្វ័យប្រវត្ដិ មិនចាំបាច់ បង្កើតសម្ពន្ធមិត្ដវាយប្រហារបន្លំភ្នែក ពិភពលោកនោះឡើយ ។
មូលហេតុមួយទៀត លោក Tarpley បញ្ជាក់ថា ទួរគីជាប្រទេសដែលមាន កម្លាំងទាហានខ្លាំង​បំផុតនៅក្នុងសម្ពន្ធ មិត្ដណាតូ ហើយមានភូមិសាស្ដ្រជាប់ ព្រំដែនស៊ីរី និងអ៊ីរ៉ាក់ ទាំងនោះ​ហើយ​ធ្វើ ឱ្យលោកដាក់សំណួរសួរថា ហេតុអ្វីបាន ជាទួរគីមិនរៀបចំសន្ដិសុខសណ្ដាប់ធ្នាប់ នៅតំបន់ដែលIS កំពុងតែគ្រប់គ្រង ក្នុង ពេលដែលអាមេរិក និងណាតូប្ដេជ្ញា កម្ចាត់ក្រុមIS នោះ ។
អ្នកប្រវត្ដិវិទូអាមេរិករូបនេះបាន បង្ហាញការមន្ទិលសង្ស័យដល់រដ្ឋាភិបាល ទីក្រុងវ៉ាស៊ីនតោន​ដែលប្រកាសពីការ ប្ដេជ្ញាវាយប្រហារក្រុមIS ប៉ុន្ដែបែរជា បដិសេធបង្កើត​សម្ពន្ធមិត្ដជា​មួយ​រដ្ឋាភិ បាលស៊ីរីបាសា អាល់អាសាដ ក្នុងការ វាយប្រហារយកឈ្នះក្រុមIS ដោយប្រើ ប្រាស់​រយៈពេលខ្លី ។
ចំណុចចុងក្រោយដែលលោក Tarpley សង្ស័យនោះពាក់ព័ន្ធនឹងក្រុម ហ៊ុនអ៊ីនធើ​ណេតដែល​ក្រុមIS ប្រើប្រាស់ បណ្ដាញសង្គម ប្រព័ន្ធអ៊ីនធើណេត សម្រាប់ប្រកាសជ្រើសរើសខ្មាន់កាំភ្លើង ថ្មីមកពីគ្រប់ទិសទីជុំវិញពិភពលោក ។ លោកTarpley បញ្ជាក់ថា បណ្ដាក្រុម ហ៊ុនអ៊ីនធើណេត​ធំបំផុត សុទ្ធសឹងតែ មានទីតាំងនៅអាមេរិក ក្រោមការគ្រប់ គ្រងរបស់អាមេរិក តើហេតុអ្វីបាន​ជា អាមេរិកមិនកាត់បន្ថយការផ្សព្វផ្សាយ តាមប្រព័ន្ធអ៊ីនធើណេតរបស់ក្រុមIS? ៕

20150710-214721.jpg

20150710-214725.jpg

...

20150710-214729.jpg


ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print