ខេត្ដកំពង់ចាម៖ កាលពីថ្ងៃទី២ ខែ មករា ឆ្នាំ២០១៦ សមាគមគ្រូពេទ្យស្ម័គ្រ ចិត្ដយុវជនសម្ដេចតេជោបានសហការ ជាមួយគម្រោងសុខាភិបាលបេសកកម្ម អង្គរ (Project Angkor) ចុះបំពេញ បេសកកម្មមនុស្សធម៌របស់ខ្លួនរយៈពេល៥ថ្ងៃនៅមន្ទីរពេទ្យបង្អែកខេត្ដកំពង់ចាម។ គោលបំណងនៃការចុះបេសកកម្មនេះគឺ ដើម្បីពិនិត្យនិងព្យាបាលជំងឺជូនប្រជាពល រដ្ឋដោយឥតគិតថ្លៃនៅមន្ទីរពេទ្យបង្អែក ខេត្ដកំពង់ចាម។
សកម្មភាពមនុស្សធម៌ នេះដឹកនាំដោយលោក ហ៊ុន ម៉ាណែត ប្រធានក្រុមប្រឹក្សាភិបាលសមាគមគ្រូ ពេទ្យស្ម័គ្រចិត្ដយុវជនសម្ដេចតេជោនិង មានការចូលរួមពីសំណាក់លោក ណូរ៉ាន់ ស៊ី ប្រធានគម្រោងសុខាភិបាលបេសកកម្ម អង្គរ(Project Angkor)និងអាជ្ញាធរខេត្ដ ព្រមទាំងក្រុមគ្រូពេទ្យស្ម័គ្រចិត្ដស្ថាប័ន ពាក់ព័ន្ធនិងប្រជាពលរដ្ឋជាច្រើននាក់ផង ដែរ។
លោក ណូរ៉ាន់ស៊ី ប្រធានគម្រោងសុខា ភិបាលបេសកកម្មអង្គរ(ProjectAngkor) បានឱ្យដឹងថា បេសកកម្មនេះមានរយៈ ពេល៥ថ្ងៃចាប់ពីថ្ងៃទី២ដល់ថ្ងៃទី៦ែ ខមករា ឆ្នាំ២០១៦ដោយសហការជាមួយសមា គមគ្រូពេទ្យស្ម័គ្រចិត្ដយុវជនសម្ដេចតេ ជោពិនិត្យនិងព្យាបាលជំងឺជូនប្រជាពលរដ្ឋដោយឥតគិតថ្លៃនៅខេត្ដកំពង់ចាម។
លោក ហ៊ុន ម៉ាណែត បានថ្លែងថា នេះគឺជាបេសកកម្មរួមសម្រាប់ឆ្នាំថ្មី ២០១៦ រវាងសមាគមគ្រូពេទ្យស្ម័គ្រចិត្ដ យុវជនសម្ដេចតេជោនិងគម្រោងសុខា ភិបាលបេសកកម្មអង្គរ (Project Angkor) ដើម្បីធ្វើសកម្មភាពមនុស្សធម៌ចុះពិនិត្យ និងព្យាបាលជូនប្រជាពលរដ្ឋដោយគិតថ្លៃ ដែលសកម្មភាពនេះគឺស្របទៅតាមគោល នយោបាយរបស់ប្រមុខរាជរដ្ឋាភិបាល ក្នុងការលើកកម្ពស់វិស័យសុខាភិបាលនិងលើកទឹកចិត្ដអង្គការសមាគមចុះធ្វើ សកម្មភាពមនុស្សធម៌ដោយការពិនិត្យ និងព្យាបាលជំងឺជូនប្រជាពលរដ្ឋដោយឥតគិតថ្លៃនៅតាមរាជធានីខេត្ដនៅទូទាំង ប្រទេស។
លោក ហ៊ុន ម៉ាណែតបានបន្ដថា ទោះ បីស្ថាប័នផ្សេងគ្នាប្រទេសផ្សេងគ្នាក៏ដោយ ប៉ុន្ដែមានបេសកកម្មដូចគ្នាក្នុងការពិនិត្យ និងព្យាបាលជំងឺជូនប្រជាពលរដ្ឋដោយឥតគិតថ្លៃជូនប្រជាពលរដ្ឋនៅក្នុងឱកាសឆ្នាំថ្មីនេះ។ ប្រជាពលរដ្ឋដែលបានមកទទួល ការពិនិត្យនិងព្យាបាលបានបង្ហាញនូវ អារម្មណ៍សប្បាយរីករាយនិងថ្លែងអំណរ គុណចំពោះសកម្មភាពមនុស្សធម៌របស់សមាគមគ្រូពេទ្យស្ម័គ្រចិត្ដយុវជនសម្ដេច តេជោនិងគម្រោងសុខាភិបាលបេសក កម្មអង្គរ (Project Angkor) ដែលធ្វើឱ្យ ប្រជាពលរដ្ឋនៅទីនេះមានសុខភាពល្អ ប្រសើរជាងមុន៕
ដោយ៖ សហការី
