ផ្សារគំរូព្រំដែនកម្ពុជា-វៀតណាម​ នឹងជំរុញទំហំពាណិជ្ជកម្មឱ្យបាន៥ពាន់លាន​ដុល្លារអាមេរិក តាមផែនការដែល​ប្រទេស​ទាំងពីរបានគ្រោងទុក

ចែករំលែក៖

ខេត្ត​ត្បូងឃ្មុំ​ ៖​ ផ្សារគំរូព្រំដែនកម្ពុជា (ផ្សារដារ)លេីក​ដំបូងស្ថិតនៅក្នុងតំបន់សេដ្ឋកិច្ចពិសេសថារីត្បូងឃ្មុំ ភូមិដារកណ្តោល ឃុំដារ ស្រុកមេមត់ ខេត្តត្បូងឃ្មុំ ត្រូវបានអនុញ្ញាតឱ្យដាក់លក់តែផលិតផលរបស់កម្ពុជា និងវៀត​​ណាម ដោយមិនអនុញ្ញាតឱ្យលក់ផលិត​ប្រទេសដទៃនោះឡើយ​ ។​ នេះបេី​យោង​តាមការបញ្ជាក់ពីលោក​ប៉ាន សូរសក្តិ រដ្ឋមន្ត្រីក្រសួងពាណិជ្ជកម្មនៅថ្ងៃទី២៤​ ខែធ្នូ​ ឆ្នាំ​២០១៩​។

តាមរបាយការណ៍របស់លោកប៉ាន សូរសក្តិ រដ្ឋមន្ត្រីក្រសួងពាណិជ្ជកម្មបាបអោយដឹងទៀតថា ផ្សារដោះដូរទំនិញកម្ពុជា-វៀតណាមមានឈ្មោះថា «ផ្សារគំរូព្រំដែនកម្ពុជា (ផ្សារដារ)» ដែលមាន​ ទីតាំងស្ថិតនៅក្នុងតំបន់សេដ្ឋកិច្ចពិសេសថារីត្បូងឃ្មុំ ភូមិដារកណ្តោល ឃុំដារ ស្រុកមេមត់ ខេត្តត្បូងឃ្មុំ លើផ្ទៃដីទំហំជិត២ហិកតា ចម្ងាយប្រមាណជា ៣០០ម៉ែត្រពីព្រំដែនកម្ពុជា-វៀតណាម។ ផ្សារនេះត្រូវបានបើកការដ្ឋានសាងសង់នៅឆ្នាំ២០១៨ ដោយចំណាយថវិកាជិត ២លានដុល្លារអាមេរិក ដែលជាថវិកា​របស់រដ្ឋាភិបាលវៀតណាម។ ផ្សារនេះមាន​ចំនួន៦៨ស្តង់ ចែកចេញជា​៦ប្រភេទ។

លោកបន្តថា ផ្សារគំរូព្រំដែនកម្ពុជានេះ មានសក្ដានុពលខ្ពស់ក្នុងការបង្កើតការងារ បង្កើនចំណូលបន្ថែមសម្រាប់ប្រជាពល រដ្ឋ តាមព្រំដែន និងជំរុញទំហំពាណិជ្ជ កម្មទ្វេភាគីរវាងប្រទេសទាំងពីរឱ្យបាន ៥ពាន់លានដុល្លារអាមេរិក តាមផែនការ ដែលប្រទេសទាំងពីរបានគ្រោងទុក​ ។​ លោកបន្ថែមថា​ អនុញ្ញាតឱ្យដាក់លក់តែផលិតផលរបស់កម្ពុជា និងវៀត​​ណាម ដោយមិនអនុញ្ញាតឱ្យលក់ផលិត​ប្រទេសដទៃនោះឡើយ​  ៕​ ដោយ​ ៖​ ជាយក្រុង​

...


ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print