ភ្នំពេញ៖ យុវជនម្នាក់បានដាច់ជើងម្ខាងដោយករណីគ្រោះថ្នាក់ចរាចរជិះម៉ូតូប្រជែងក្នុងស្ថានភាពផ្លូវមានឧបសគ្គជ្រុលទៅបុកចំហៀងរថយន្តមួយគ្រឿងទៀតកាលពីវេលាម៉ោង៩,៣០នាទីយប់ថ្ងៃទី៤ ខែមករា ឆ្នាំ២០១៦ នៅលើកំណាត់ផ្លូវ ជាតិលេខ១ ចន្លោះគីឡូម៉ែត្រ ៣៧-៣៨ ភូមិព្រែកតាកែវ ឃុំសំរោងធំ ស្រុកកៀនស្វាយ ខេត្តកណ្តាល ។

ជនរងគ្រោះជិះមូតូម៉ាក ហុងដាសេ១២៥ ពណ៍ខ្មៅ ពាក់ស្លាកលេខ ភ្នំពេញ 1FB-4859 មានឈ្មោះសួង ហ៊ឹម ភេទប្រុស អាយុ២៧ឆ្នាំ មានទីលំនៅភូមិជ័យឧត្តម ឃុំ សំរោងធំ ស្រុកកៀនស្វាយ ។

ចំណែករថយន្តម៉ាក ហ្វុយហ្សូ ពណ៍សលាយ ក្រហម ជាប្រភេទរថយន្តដឹក ទំនិញធន់ធ្ងន់ ពាក់ស្លាកលេខ ភ្នំពេញ3A-1899 ក្រោយកើតហេតុអ្នកបើកបររត់គេចខ្លួនបាត់ ។

នគរបាលចរាចរស្រុកបាន អោយដឹងថា មុនពេលកើត ហេតុសាក្សីបានឃើញជនរងគ្រោះជិះម៉ូតូតែម្នាក់ឯងក្នុងល្បឿនលឿនទិសដៅពីកៀនស្វាយទៅភ្នំពេញ ។ មកដល់ចំនុចកើតហេតុបានបើកប្រជែងជាមួយរថយន្តមួយគ្រឿងទៀតដែលនៅពីមុខក្នុងស្ថានភាពផ្លូវមានឧបសគ្គ ។ ពេលកំពុងប្រជែងស្រាប់តែ មានរថយន្តដឹកទំនិញមួយគ្រឿងទៀតទៅដល់ ក្នុងទិស ដៅផ្ទុយគ្នា ធ្វើអោយអ្នកបើក ម៉ូតូគេចមិនផុតបណ្តាលអោយបុកចំក្បាលរថយន្តចំហៀងខាងឆ្វេងធ្វើអោយជនរងគ្រោះដាច់ជើងខាងស្តាំហើយត្រូវក្រុមគ្រួសារដឹកយកទៅសង្គ្រោះនៅមន្ទីពេទ្យរុស្សី ដោយឡែក អ្នកបើកបររថយន្តរត់គេចខ្លួនបាត់ ។

បន្ទាប់ពីកើតហេតុមធ្យោ បាយទាំង២គ្រឿងត្រូវសមត្ថកិច្ចយកមករក្សាទុកនៅអធិការដ្ឋាននគរបាលស្រុកដើម្បីដោះស្រាយតាមច្បាប់ ៕

ដោយ៖ សណ្តោស