ភ្នំពេញ ៖ បច្ចុប្បន្នសាសនានៅប្រទេសកម្ពុជាមានអ្នកកាន់សាសនាព្រះពុទ្ធនៃចំនួនប្រជាជន ៩៥% ពុទ្ធបរិស័ទ ហើយសាសនាដទៃទៀតមានប្រជាជនប្រណិប័តន៍ប្រមាណ៥% ដែលក្នុងនោះរួមមាន ៖ ទីមួយសាសនាអ៊ីស្លាម, ទីពីរ គ្រិស្ដសាសនា និង ទីបីព្រហ្មញ្ញសាសនា ។
ថ្ងៃនេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជាបានសរសេរសារបញ្ជាក់ជាថ្មីនៅលើហ្វេសប៊ុកថាក្រោមម្លប់សន្តិភាព គឺប្រជាពលរដ្ធមានសិទ្ឋិសេរីភាពរស់នៅប្រកបរបរទទួលទាន និងជ្រើសរើសជំនឿសាសនាទៅតាមការពេញចិត្តរបស់ខ្លួនដោយគ្មានការបង្ខិតបង្ខំអ្វីឡើយ។ ទាំងបងប្អូនពុទ្ឋសាសនិកជន, ខ្មែរឥសស្លាម និងគ្រិស្តសាសនិក គឺយើងរស់នៅសុខដមជាមួយគ្នាដោយសុខសាន្ត។
សម្តេចតេជោបានសរសេរបញ្ជាក់ទៀតថា ថ្ងៃទី២៥ ធ្នូ នេះជាថ្ងៃពិសេសសម្រាប់បងប្អូនគ្រឹស្ទបរិស័ទ។ ឆ្លៀតក្នុងថ្ងៃនៃបុណ្យណូអែល “គ្រីស្ទម៉ាស” នេះ សម្តេចសូមជូនពរបងប្អូនគ្រិស្តសាសនិក និងបងប្អូនប្រជាពលរដ្ធខ្មែរទូទាំងប្រទេស ជួបតែសេចក្តីសុខ និងចម្រុងចម្រើនរុងរឿងគ្រប់ៗគ្នា។
សូមរំលឹកថា សាសនាព្រះពុទ្ធជាសាសនារបស់រដ្ឋ ប៉ុន្តែកម្ពុជាបើកភាពទូលាយដល់ពលរដ្ឋគ្រប់រូបមានសិទ្ធិជ្រើសរើសជំនឿ សាសនាផ្សេងៗដែលខ្លួនពេញចិត្តនិងប្រណិប័តន៍ ។
ដកស្រង់គេហទំព័រ Wikipedia.orgផ្សាយថា ពុទ្ធសាសនានៅប្រទេសខ្មែរ ពុទ្ធសាសនា គឺជាប្រពៃណីសាសនាដែលមានមនុស្សភាគច្រើនក្នុងចំណោមប្រជាជនខ្មែរ ប្រកាន់ខ្ជាប់ខ្ជួននូវទំនៀមទំលាប់ប្រពៃណីសាសនានេះ។ មុនឆ្នាំ១៩៧០ មានព្រះសង្ឃចំនួន៦០,០០០អង្គដែលនៅទូទាំងប្រទេសកម្ពុជា។ មុនឆ្នាំ១៩៧៥ មានប្រជាជន អ៊ីស្លាមចំនួន២៥០,០០០នាក់(ជាជនជាតិចាម)។ ពីឆ្នាំ១៩៧៥-១៩៧៩ គឺជារបបនៃការសង្កត់សង្កិននៃជំនឿសាសនានៅគ្រប់ទិសទី។ នៅឆ្នាំ១៩៧៩ ព្រះពុទ្ធសាសនា និងអ៊ីស្លាមសាសនាត្រូវបានកសាងឡើងវិញ។ នៅឆ្នាំ១៩៩០ជាការទទួលស្គាល់៕ ដោយ៖ជាយក្រុង
