ភ្នំពេញ ៖ ដើមត្រសេក១ដើមរលើងបាក់រលំសង្កត់លើម៉ូតូចំនួន៦គ្រឿងសំណាងល្អមិនបណ្តាលឲ្យមានអ្នករងរបួស កាលនៅម៉ោង ១១និង៣០នាទីថ្ងៃត្រង់ថ្ងៃទី២៦ ខែធ្នូឆ្នាំ២០១៩ ស្ថិតនៅតាមបណ្តោយផ្លូព្រះសីហនុ សង្កាត់វាលវង់ខណ្ឌ៧មករា រាជធានីភ្នំពេញ។
ប្រភពពត៌មាននៅកន្លែងកើតហេតុបានអោយដឹងថា ភ្ញៀវបានមកហូបកាហ្វេនៅហាងមួយកន្លែងដោយទុកម៉ូតូចំនួន៦គ្រឿងនៅមុខហាង ខណៈពេលពួកគាត់នាំគ្នាចូលហូបកាហ្វេអស់ស្រាប់តែបាក់រលំដើមត្រសេក១ដើមសង្កត់លើម៉ូតូចំនួន៦គ្រឿងតែក្រោយកើតហេតុ ម៉ូតូទាំង៦គ្រឿងមាន២គ្រឿងដែលមិនរងការខូចខាតត្រូវបានម្ចាស់យកជិះទៅបាត់ទៅនៅសល់តែម៉ូតូ៤គ្រឿងនៅកន្លែងកើហេតុ។
បន្ទាប់មកគេឃើញខាងមន្ត្រីសាលារាជធានីភ្នំពេញបានចុះមកយករណាត្រង់ទីន័រមកកាត់មែកឈើចេញដែលសង្កត់លើម៉ូតូទាំង៤គ្រឿងនោះដើម្បីយកម៉ូតូចេញប្រគល់អោយម្ចាស់យកទៅជួសជុលរៀងៗខ្លួន៕ជ្រោយពេជ្រ
...
