ភ្នំពេញ៖ កំសាន្តសប្បាយនៅក្នុងពិធីបុណ្យតូចធំទាំងអស់នេះបានគឺដោយសារប្រទេសជាតិយេីងមានសុខសន្តិភាព.! បើ គ្មានសន្តិភាព គឺគ្មានអ្វីៗទាំងអស់។ សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា បានថ្លែងបែបនេះ កាលពីព្រឹកថ្ងៃទី១ ខែមករា ឆ្នាំ២០២០ លើ Facebook ផ្លូវការ ជាមួយនឹងស្នាមញញឹម ស្រឡាញ់ អរគុណសន្តិភាព។
សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា បានមានប្រសាសន៍ថា៖ សួស្តីឆ្នាំថ្មី ២០២០។ បងប្អូនប្រជាពលរដ្ឋ និងកូនក្មួយនៅទូទាំងប្រទេសបានចូលរួមឆ្លងឆ្នាំចាស់ផ្លាស់ចូលឆ្នាំសកលថ្មី២០២០ កាលពីយប់មិញក្នុងបរិយាកាសសប្បាយរីករាយក្រៃលែងទាំងនៅក្នុងនិងក្រៅប្រទេស។ ឱកាសនៃការចូលរួមអបអរសាទរនិងកំសាន្តសប្បាយនៅក្នុងពិធីបុណ្យតូចធំទាំងអស់នេះបានគឺដោយសារប្រទេសជាតិយេីងមានសុខសន្តិភាព។ គ្មានសន្តិភាព គឺគ្មានអ្វីៗទាំងអស់។
សម្តេចតេជោ សូមអរគុណបងប្អូនជនរួមជាតិ និងកូនក្មួយដែលបានចូលរួមថែរក្សាការពារសន្តិភាពនៅក្នុងប្រទេសជាតិយេីង។
សម្តេចសូមជូនពរបងប្អូនជនរួមជាតិនិងកូនក្មួយជាទីស្រឡាញ់ទាំងអស់នៅក្នុងឆ្នាំថ្មី ២០២០នេះជួបតែសេចក្តីសុខ សេចក្តីចម្រេីនសំណាងល្អ ជាមួយនឹងពុទ្ធពរ៤ប្រការគឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡេីយ…(អរគុណសន្តិភាព)..៕
ដោយ៖ សុខ ខេមរា
