ភ្នំពេញ៖ មនុស្សប្រុសស្រី ចំនួន០៤នាក់ ជាប់ពាក់ព័ន្ធនឹងករណីចែកចាយ និងប្រើប្រាស់គ្រឿងញៀនយ៉ាងអានាធិបតេយ្យនៅម្តុំមុខពេទ្យលោកសង្ឃ ភូមិត្រពាំងឈូកនោះ ត្រូវបានកម្លាំងអាវុធហត្ថក្រុងភ្នំពេញ ចុះប្រតិបត្តិការបង្ក្រាប និងចាប់ឃាត់ខ្លួនបានរួមនឹងថ្នាំញៀនចំនួន៧កញ្ចប់ កាលពីវេលាម៉ោង៥ និង៣០ ព្រឹកថ្ងៃទី៥ ខែមករា ឆ្នាំ២០១៦ ស្ថិតនៅក្រុម១៤ ក្នុងភូមិត្រពាំងឈូក សង្កាត់ទឹកថ្លា ខណ្ឌសែនសុខ ។

សមត្ថកិច្ចបានអោយដឹងថា ជនសង្ស័យទាំង០៤នាក់នោះ ទី១-ឈ្មោះ រស់ មុន្នីរិទ្ធ ភេទប្រុស អាយុ១៩ឆ្នាំ មុខរបរ មិនពិតប្រាកដ ។ ទី២-ឈ្មោះ លាង រតនា ភេទប្រុស អាយុ១៨ឆ្នាំ មុខរបរ មិនពិតប្រាកដ ។ ទី៣-ឈ្មោះ គឹម ស្រីហួយ ភេទស្រី អាយុ១៩ឆ្នាំ មុខរបរមិនពិតប្រាកដ និងទី៤-ឈ្មោះ លី គីម ភេទប្រុស អាយុ២៣ឆ្នាំ មុខរបរ មិនពិតប្រាកដ ។

ក្រោយពីឃាត់ខ្លួនជនសង្ស័យប្រុសស្រី បានទាំង០៤នាក់ខាងលើ សមត្ថកិច្ចដកហូតបាន គ្រឿងញៀន(ក្រាមពណ៌សថ្លា) ៦កញ្ចប់តូុច និង០១កញ្ចប់ធំ ជញ្ជីងសម្រាប់ថ្លឹងចំនួន០១ និងសម្ភារៈសម្រាប់សេពគ្រឿងញៀនមួយចំនួនទៀត ។

បច្ចុប្បន្នជនសង្ស័យទាំង០៤នាក់ត្រូវបាននាំខ្លួនទៅសាកសួរនៅ ផ្នែកជំនាញ កងរាជអាវុធហត្ថក្រុងភ្នំពេញ ដើម្បីកសាងសំណុំរឿងចាត់ការទៅតាមនិតិវិធី ៕

ដោយ៖ តុង សីហា