ភ្នំពេញ៖ រថយន្តហុីយ៉ាន់១គ្រឿង និងម៉ូតូCiti Plus១គ្រឿងត្រូវបានក្រុមចោរធ្វើសកម្មភាពលួចយកនៅពេលតែមួយហើយគេចខ្លួនដោយសុវត្ថភាព ។

កាលពីយប់ថ្ងៃទី៥ ខែមករា ឆ្នាំ២០១៦ នៅវេលាម៉ោ២ និង៣០នាទី នៅក្រុម០៨ ភូមិគោកឃ្លាង សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។

ម្ចាស់រថយន្តមានឈ្មោះ គឹម សុខ ភេទប្រុស អាយុ៤២ឆ្នាំមុខរបរដឹកទំនិញស្នាក់ភូមិកើតហេតុ។ ចំណែកម្ចាស់ម៉ូតូមានឈ្មោះ សារឹម វុធឿន ភេទប្រុសអាយុ៤៤ឆ្នាំ មុខរបរបរត់ម៉ូតូកង់បីស្នាក់នៅភូមិសង្កាត់កើតហេតុដូចគ្នា ។

តាមការរៀបរាប់ពីម្ចាស់រថយន្តបានអោយដឹងថា រថយន្តដែលក្រុមចោរលួចយកទៅនោះជាប្រភេទរថយន្តកូរ៉េម៉ាកហុីយ៉ាន់ដាយ ពណ៍ទឹកបុិច ពាក់ស្លាកលេខភ្នំពេញ2AC-7941 ហើយគាត់តែងតែទុករថយន្តនេះនៅមុខផ្ទះជាធម្មតា ហើយនៅយប់កើតហេតុគាត់ក៏ចូលសំរាកលង់លក់លុះដល់ម៉ោងកើតហេតុគាត់ក៏ក្រោកពីដំណេកដើម្បីយករថយន្តទៅដឹកទំនិញស្រាប់តែបាត់រថយន្តតែម្តងមិនតែប៉ុណ្នោះក្រុមចោរបានយកខ្សែភ្លើងចងទ្វារខាងក្រៅជាប់ទៀតផងត្រូវប្រជាពលរដ្ឋជិតខាងជួយស្រាយហើយក៏បានទៅដាក់ពាក្យបណ្តឹងទាំងយប់នៅប៉ុស្តិ៍ភ្នំពេញថ្មី ។ ចំណែកម្ចាស់ម៉ូតូដែលក្រុមចោរលួចយកទៅដែរនោះបានអោយដឹងថា ម៉ូតូរបស់គាត់ម៉ាកហុងដាCiti Plus ពណ៍ក្រហម ពាក់ស្លាកលេខ ភ្នំពេញ 1AW-7996 ហើយបានទុកសណ្តោងរឺម៉កនៅមុខផ្ទះលុះព្រឹកឡើងទើបដឹងថាបាត់ ។

ប្រភពពីប្រជាពលរដ្ឋដែលនៅទល់មុខផ្ទះម្ចាស់រថយន្តបានអោយដឹងថា នៅវេលាម៉ោងប្រហែល២ និង៣០នាទីយប់គាត់បានឮសូសំលេងម៉ូតូ២គ្រឿងជិះឆ្លងកាត់ទីនោះក្រោយមកក៏ឮសំលេងបញ្ឆេះរថយន្តប៉ុន្តែពួកគាត់មិនបានចាប់អារម្ភលុះម្ចាស់រថយន្តខលប្រាប់ទើបដឹងថាមានចោរលួចរថយន្តមែន។ ដោយឡែកសមត្ថកិច្ចប៉ុស្តិ៍ភ្នំពេញថ្មីបានប្រាប់ថាទាក់ទងនឹងករណីនេះកម្លាំងរបស់លោកកំពុងធ្វើការស្រាវជ្រាវ ។

ប្រជាពលរដ្ឋដែលរសនៅក្នុងសង្កាត់ភ្នំពេញថ្មី និងអ្នករស់នៅម្តុំនោះបានសំណោមពរសូមអោយសមត្ថកិច្ចជួយដាក់កម្លាំល្បាតអោយល្បាតនៅម្តុំដែលពួកគាត់រស់នៅផង ព្រោះមានករណីលួចសុទ្ធតែរថយន្ត និងម៉ូតូដូចនេះពួកគាត់មានការព្រួយបារម្ភខ្លាំងណាស់ ៕

ដោយ៖ តុង សីហា